இன்று வெளியாகிறது தவெகவின் மூன்றாம் கட்ட மாவட்ட செயலாளர்கள் பட்டியல்.!
tvk leader vijay released today thired phase district secretaries list
தமிழக வெற்றிக் கழகத்தின் தலைவர் விஜய் 2026-ம் ஆண்டு சட்டமன்ற தேர்தலை எதிர்கொள்ள தீவிரமாக செயல்பட்டு வருகிறார். இதனை முன்னிட்டு தவெகவில் தற்போது, நிர்வாகிகள் நியமனம் தொடர்பான வேலைகள் விறுவிறுப்பாக நடைபெற்று வருகிறது.
இந்த நிலையில் தமிழக வெற்றிக் கழகத்தில் 120 மாவட்ட செயலாளர்களை அறிவித்து அக்கட்சியின் தலைவர் விஜய் உத்தரவு பிறப்பித்திருந்தார். நிர்வாக வசதிக்காக த.வெ.க. 120 மாவட்டங்களாக பிரித்துள்ளது. ஒரு மாவட்டத்திற்கு மாவட்ட செயலாளர், இணை செயலாளர், பொருளாளர் என்று 15 பொறுப்பாளர்கள் அறிவிக்கப்பட்டனர்.
அதன்படி, த.வெ.க-வின் மாவட்ட செயலாளர்கள் பட்டியல் இரண்டு கட்டங்களாக வெளியிடப்பட்டது. இந்த நிலையில், இன்று மூன்றாம் கட்ட மாவட்ட செயலாளர்கள் பட்டியலை த.வெ.க தலைவர் விஜய் வெளியிட உள்ளார். அதாவது, இன்று கிருஷ்ணகிரி, தர்மபுரி கிழக்கு, சேலம், கோவை, வடசென்னை உள்ளிட்ட பகுதிகளுக்கு மாவட்ட செயலாளர்கள் அறிவிக்கப்படவுள்ளனர்.
English Summary
tvk leader vijay released today thired phase district secretaries list