36 செயற்கைக்கோள்கள் விண்ணில் செலுத்துவதற்கான கவுன்ட்டவுன் இன்று இரவு தொடக்கம்.!

இந்திய விண்வெளி ஆராய்ச்சி நிறுவனம் (இஸ்ரோ) ஜி.எஸ்.எல்.வி. மாா்க்-3 ராக்கெட் மூலம் 36 செயற்கைகோள்கள் நாளை மறுநாள் விண்ணில் ஏவ உள்ளது.

ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் உள்ள 2-வது ஏவுதளத்தில் இருந்து ஏவப்பட உள்ளது. இந்த ராக்கெட் 640 டன் எடை கொண்டது.

ஜி.எஸ்.எல்.வி. மார்க்-3 திட, திரவ மற்றும் கிரையோஜெனிக் எந்திரங்களால் இயக்கப்படும் 3-நிலைகளை கொண்ட ராக்கெட்டாகும். இதில் கிரையோஜெனிக் என்ஜின் உள்ள 3-வது கட்டத்தில் 36 செயற்கைகோள்களுடன் வெப்பக் கவசம் பொறுத்தப்படும்.

மேலும் வணிக ஏவுதல் மூலம் முதல் முறையாக இந்திய ராக்கெட் சுமார் 6 டன் எடையுள்ள செயற்கைகோள்களை சுமந்து செல்கிறது. இந்நிலையில், இந்த ராக்கெட்டை ஏவுவதற்கான 24 மணி நேர கவுண்ட்டவுன் இன்று நள்ளிரவு தொடங்குகிறது.