250 ட்ரோன்கள் மூலம் விண்ணில் காட்டப்பட்ட நேதாஜியின் உருவப்படம்..!

பிரதமர் மோடி டெல்லியில் உள்ள இந்தியா கேட் அருகே 28 அடி உயரம் உள்ள நேதாஜி சுபாஷ் சந்திரபோசின் சிலையை திறந்துவைத்தார். சிலை திறப்பையொட்டி, நேற்று முதல் 11-ந்தேதி வரை நேதாஜியின் வாழ்க்கை குறித்த டிரோன் கண்காட்சி இந்தியா கேட் பகுதியில் நடத்தப்படுகிறது.

அதன்மூலம், நேற்று இரவு 8 மணிக்கு பிரமாண்ட டிரோன் கண்காட்சி நடைபெற்றதில் நேதாஜியின் வாழ்க்கை மற்றும் பாரம்பரியத்தை வெளிப்படுத்தும் விதமாக வானத்தில் டிரோன்கள் பறந்து ஒளிர செய்தன.

இந்த ட்ரோனில் நேதாஜியின் உருவப்படம் மற்றும் நேதாஜியின் பிரமாண்ட சிலை, ஜெய்ஹிந்த் உள்ளிட்ட 8 வெவ்வேறு வடிவங்களை டிரோன்களால் வானில் ஒளிபரப்பப்பட்டது. இதற்கு மொத்தம் 250 டிரோன்கள் பயன்படுத்தப்பட்டன. இந்த நிகழ்ச்சியை மக்கள் தங்களது செல்போன்களில் ஆர்வமுடன் படம் பிடித்தனர். இதையடுத்து, நாட்டுப்புற மற்றும் பழங்குடி கலைஞர்கள் பங்கேற்ற கலாச்சார நிகழ்ச்சியும் நடந்தது.