நடுரோட்டில் திடீரென பற்றியெரிந்த சுற்றுலா பேருந்து: உடல் கருகி உயிரிழந்த 8 பேர்! அரியானாவில் சோகம்.!

அரியானா, நு நகரில் இன்று அதிகாலை சுற்றுலா பேருந்து ஒன்று திடீரென தீப்பிடித்து எரிந்ததில் 8 பேர் உடல் கருகி உயிரிழந்த சம்பவம் சோகத்தை ஏற்படுத்தியுள்ளது. மேலும் இந்த விபத்தில் 24 பேர் படுகாயம் அடைந்துள்ளனர்.

இது குறித்து தகவல் அறிந்த போலீசார் மற்றும் தீயணைப்பு படை வீரர்கள் சம்பவ இடத்திற்கு விரைந்து சென்று தீயை அணைத்து காயமடைந்தவர்களை மீட்டு அருகில் உள்ள மருத்துவமனையில் சிகிச்சைக்காக கொண்டு சேர்த்தனர்.

உயிரிழந்தவர்களின் உடல்களை மீட்டு பிரேத பரிசோதனைக்காக அனுப்பி வைக்கப்பட்டுள்ளது. போலீசார் இது குறித்து வழக்கு பதிவு செய்து விசாரணை நடத்தியதில், சுற்றுலா பேருந்தில் மொத்தம் 60 பேர் பயணம் செய்ததாகவும் ஆன்மீக தலங்களுக்கு சுற்றுலா சென்றதும் தெரியவந்துள்ளது.

இருப்பினும் இந்த தீ விபத்திற்கான காரணம் குறித்து எந்த ஒரு தகவலும் கிடைக்கவில்லை. இதனால் போலீசார் தொடர்ந்து விசாரணை மேற்கொண்டு வருகின்றனர்.

ஆன்மீக சுற்றுலா சென்ற பேருந்து திடீரென தீப்பிடித்து எரிந்ததில் 8 பேர் உடல் கருகி உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.