ரிலையன்ஸ் ஜியோ மற்றும் டிஸ்னி இடையேயான சமீபத்திய ஒப்பந்தம், இந்திய ஓடிடி (OTT) துறையில் பெரும் மாற்றங்களை ஏற்படுத்தியுள்ளதோடு, ஜியோசினிமா மற்றும் டிஸ்னி+ ஹாட்ஸ்டார் ஒருங்கிணைப்பிற்கான வாய்ப்புகளை அதிகரித்துள்ளது.

இதன் விளைவாக, ஜியோசினிமா இயங்குதளம் விரைவில் மூடப்படலாம் என்ற தகவல்கள் பரவுகின்றன, இது ஜியோசினிமா பயனர்கள் மற்றும் சந்தாதாரர்களுக்கு ஒரு அதிர்ச்சியாக அமைந்துள்ளது.

ரிலையன்ஸ் ஜியோ, இலவச ஐபிஎல் ஸ்ட்ரீமிங் மூலம் ஏற்கனவே ஓடிடி துறையில் பெரிய அதிரடியை ஏற்படுத்தி, மில்லியன் கணக்கான பயனர்களை தனது தளத்திற்கு இழுத்து வந்தது. இதனால், குறிப்பாக இளைஞர்கள், இலவசமாக க்ரிக்கெட், திரைப்படங்கள் மற்றும் பிற கொண்டென்ட்களை அனுபவித்தனர்.

ஆனால், இப்போது ரிலையன்ஸ் மற்றும் டிஸ்னி இடையேயான புதிய ஒப்பந்தத்தின் அடிப்படையில், ஜியோசினிமா விரைவில் டிஸ்னி+ ஹாட்ஸ்டாருடன் இணைக்கப்படலாம்.

இந்த ஒப்பந்தத்தின் மூலம், ரிலையன்ஸ் இண்டஸ்ட்ரீஸ் தனது ஓடிடி தளங்களை ஒருங்கிணைத்து, புதிய வடிவமைப்பில் ஒரு பெரிய ஓடிடி தளம் உருவாகும் என்று எதிர்பார்க்கப்படுகிறது.

இந்த இணைப்பு, இந்தியாவின் டிஜிட்டல் சந்தையில் ரிலையன்ஸை முன்னணி இடத்துக்கு கொண்டு செல்லும் என நிபுணர்கள் கருதுகின்றனர். ஐபிஎல் போன்ற பெரிய போட்டிகளின் ஸ்ட்ரீமிங், திரைப்படங்கள் மற்றும் பிற பிரபலமான நிகழ்ச்சிகள் ஒரே தளத்தில் கிடைக்கும் என்பதால், இந்த இணைப்பு பயனர்களுக்கு பல புதிய சலுகைகளை வழங்கும்.

இந்த ஒப்பந்தம் மேலும் முக்கியமாக உருவாகியுள்ள நிலையில், ஜியோசினிமா பயனர்கள் எதிர்நோக்கி இருக்கும் மாற்றங்கள் குறித்து அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.