கேரள மாநிலம் வயநாடு நிலசரிவில் சிக்கி உயிரிழந்தவர்களின் எண்ணிக்கை 146 ஆக உயர்ந்துள்ள சம்பவம் நாடு முழுவதும் பெரும் பரபரப்பை ஏற்படுத்தி உள்ளது.

கேரளா மாநிலத்தில் கடந்த 3 நாட்களாக பல்வேறு பகுதிகளில் பலத்த மழை பெய்து வருகிறது. பல்வேறு மாவட்டங்களில் அநேக இடங்களில் மிக கனமழை முதல் கனமழை வரை பெய்து வருகிறது. இதனால், தாழ்வான பகுதிகளில் தண்ணீர் சூழ்ந்து காணப்படுகிறது. இதனால், மக்கள் யாரும் வெளிய வர முடியாத நிலை ஏற்பட்டுள்ளது.

கடந்த 3 நாட்களாக பெய்த கனமழை காரணமாக வயநாடு மாவட்டத்தின் மேட்டுப்பட்டி, சூரல்மலை, முண்டகை உள்ளிட்ட பகுதிகளில்அடுத்தடுத்து பயங்கர நிலச்சரிவு ஏற்பட்டது. நிலச்சரிவு ஏற்பட்ட பகுதிகளில் 400 குடும்பங்களைச் சேர்ந்த சுமார் 1000 பேர் சிக்கியுள்ளதாகவும் தகவல் வெளியாகியுள்ளது.

சம்பவ இடத்தில் முழுவீச்சில் மீட்புப் பணிகள் நடைபெற்று வரும் நிலையில், இந்த நிலச்சரிவில் சிக்கிய 116 பேர் மீட்கப்பட்டு மருத்துவமனையில் சிகிச்சைக்காக அனுமதிக்கப்பட்டு உள்ளனர். வயநாட்டில் 45 முகாம்களிலும், மாநிலம் முழுவதும் 118 முகாம்களிலும் 5,531 பேர் தங்க வைக்கப்பட்டுள்ளனர். தீயணைப்பு படை, என்.டி.ஆர்.எப்., போலீசார் உள்ளிட்டோர் இணைந்து பணியாற்றி வருகின்றனர்.

இந்த நிலச்சரிவில் தற்போதுவரை நிலசரிவில் சிக்கி உயிரிழந்தவர்களின் எண்ணிக்கை 146 ஆக உயர்ந்துள்ள சம்பவம் நாடு முழுவதும் பெரும் பரபரப்பை ஏற்படுத்தி உள்ளது..