மக்களவை 4 வது கட்ட தேர்தல்: 96 தொகுதிகளில் நாளை வாக்குப்பதிவு.!

மக்களவைத் தேர்தல் 7 கட்டங்களாக நடைபெற்று வருகிறது. முதல் கட்டமாக கடந்த மாதம் 19 ஆம் தேதி தமிழகம், புதுச்சேரியில் உள்ள 102 தொகுதிகளில் வாக்குப்பதிவு நடைபெற்றது. இதில் 66. 14% வாக்குப்பதிவானது.

இரண்டாம் கட்ட வாக்கு பதிவு கடந்த மாதம் 26 ஆம் தேதி நடைபெற்றது. மூன்றாம் கட்ட வாக்கு பதிவு கடந்த 7ஆம் தேதி நடைபெற்றது இதில் 65.68% வாக்கு பதிவானது.

இந்நிலையில் நான்காம் கட்ட தேர்தல் ஆந்திரா, தெலுங்கானா, உத்திர பிரதேசம், மராட்டியம், மேற்கவங்கம், மத்திய பிரதேசம், பீகார், ஜார்கண்ட், ஒடிசா உள்ளிட்ட 9 மாநிலங்கள் மற்றும் ஜம்மு காஷ்மீர் யூனியன் பிரதேசத்தை சேர்ந்த 96 தொகுதிகளில் நாளை தேர்தல் நடைபெறுகிறது.

இதே போல் ஒடிசா மாநில சட்டசபைக்கும் முதற்கட்டமாக 28 தொகுதிகளில் நாளை வாக்கு பதிவு நடைபெற உள்ளது.