#மத்திய பிரதேசம் || திருமண நிகழ்ச்சிக்காக சென்ற மினி லாரி கவிழ்ந்து விபத்து.! 5 பேர் உயிரிழப்பு.!
Mini lorry accident in madhya Pradesh
மத்திய பிரதேசத்தில் திருமண நிகழ்ச்சிக்காக சென்ற மினி லாரி கவிழ்ந்த விபத்தில் 5 பேர் உயிரிழந்து உள்ளனர்.
மத்திய பிரதேசம் ஷாதோல் மாவட்டத்தில் நடைபெற்ற திருமண நிகழ்ச்சியில் கலந்து கொள்வதற்காக 42 பேரை ஏற்றிக்கொண்டு மினி லாரி சென்றுள்ளது.
அப்போது டிகாஹி கிராமத்திலுள்ள தாபா அருகே திரும்பியபோது கட்டுப்பாட்டை இழந்த மினி லாரி கவிழ்ந்து விபத்துக்குள்ளானது.
இந்த விபத்தில் 15 வயது சிறுவன் உட்பட 5 பேர் நிகழ்விடத்திலேயே உயிரிழந்துள்ளனர். மேலும் 36 பேர் காயமடைந்துள்ளனர்.
இதில் படுகாயமடைந்த 10 பேர் ஷாதோல் மருத்துவக் கல்லூரியிலும், மற்றவர்கள் பியோஹாரி மருத்துவமனையிலும் சிகிச்சை பெற்று வருகின்றனர்.
மேலும் காயமடைந்தவர்களின் 10 பேரின் நிலமை கவலைக்கிடமாக இருப்பதாக கூறப்படுகிறது. இதைத்தொடர்ந்து இந்த விபத்து தொடர்பாக காவல்துறையினர் ஓட்டுநர் மீது வழக்குப்பதிவு செய்து, விசாரணை மேற்கொண்டு வருகின்றனர்.
English Summary
Mini lorry accident in madhya Pradesh