உ.பி.யில் அதிர்ச்சி: காணாமல் போன சிறுமி வயல்வெளியில் சடலமாக மீட்பு.!

உத்திரபிரதேச மாநிலத்தில் காணாமல்போன சிறுமி வயல்வெளியில் சடலமாக மீட்டெடுக்கப்பட்ட சம்பவம் குறித்து போலீசார் தீவிரமாக விசாரணை மேற்கொண்டு வருகின்றனர்.

உத்தரபிரதேச மாநிலத்தில் உள்ள புடானில் 17 வயது சிறுமி காணவில்லை என்று சிறுமியின் குடும்பத்தினர் காவல் நிலையத்தில் புகார் கொடுத்தனர். இந்த புகாரின் அடிப்படையில் வழக்கு பதிவு செய்த போலீசார் சிறுமியை யாராவது கடத்தினார்கள் என்ற கோணத்தில் தீவிரமாக தேடி வந்தனர்.

இந்நிலையில் சிறுமியின் வீட்டிலிருந்து 100 மீட்டர் தொலைவில் உள்ள வயல் ஒன்றில் சடலமாக கண்டுபிடிக்கப்பட்டுள்ளார். இதையடுத்து சிறுமியின் உடலை கைப்பற்றிய போலீசார் பிரேத பரிசோதனைக்காக மருத்துவமனைக்கு அனுப்பி வைத்தனர்.

மேலும் சிறுமியை யாரோ கொலை செய்துள்ளனர் என்று சிறுமியின் உறவினர்கள் குற்றம் சாட்டியுள்ளனர். இதைத்தொடர்ந்து போலீசார் தீவிரமாக விசாரணை நடத்தப்பட்டு வருவதாகவும் பிரேத பரிசோதனை அறிக்கையில் உண்மை தெரியவரும் என்று தெரிவித்துள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.