கோபத்தில் வீட்டை விட்டு வெளியேறிய பிரபல யூடியூபர்.! உருக்கமான வீடியோவால் பெற்றோருடன் இணைந்த நெகிழ்ச்சி சம்பவம்.!

பெற்றோர் திட்டியதால் வீட்டை விட்டு வெளியேறிய யூடியுபரை அதே யூடியூபில் பெற்றோர் வீடியோ வெளியிட்டு கண்டு பிடித்த நிகழ்வு பொதுமக்களை நெகிழ்ச்சியடைய செய்துள்ளது.

மகாராஷ்டிரா மாநிலம் ஔரங்காபாத்தை சேர்ந்தவர் பிரபல யூடியூபர் பிஸ்தான் காவ்யா என்று அறியப்படும் காவ்யா யாதவ். அவரை காணவில்லை என்று அவரின் பெற்றோர் காவல் நிலையத்தில் புகார் அளித்திருந்தனர்.

மேலும், காவ்யா யாதவ் நடத்தி வரும் பிரபல யுடியூப் சேனலிலும் அவரை கண்டுபிடித்து தருமாறு அவரின் பெற்றோர் கண்ணீருடன் உருக்கமாக வீடியோ வெளியிட்டிருந்தனர். அந்த விடியோ சமூக வலைதளங்களில் வைரலானது.

காவ்யா யாதவை கண்டுபிடிக்கும் நடவடிக்கையில் காவல்துறையினர் ஈடுபட்டனர். இதனையடுத்து அவர் அண்டை மாநிலமான மத்தியப் பிரதேசத்தில் ரயிலில் சென்று கொண்டிருந்த போது கண்டுபிடிக்கப்பட்டு பெற்றோரிடம் ஒப்படைக்கப்பட்டார். தந்தை திட்டியதால் கோபத்தில் வீட்டை விட்டு வெளியேறியதாக அப்பெண் கூறியுள்ளார்.

மேலும், காவ்யா யாதவ் மீண்டும் பெற்றோருடன் இணைந்த விடியோவும் யூடியூப்பில் வெளியிடப்பட்டது. பொதுமக்களை நெகிழ்ச்சியடையச் செய்த இந்த வீடியோ பல லைக்குகளை அள்ளியது குறிப்பிடத்தக்கது.