அட்டூழியம் செய்யும் நக்சலைட்டுகள் - பற்றி எரிந்த 14 வாகனங்கள்.!
Naxalites fire to construction work vehicles
சத்தீஷ்கர் மாநிலத்தில் உள்ள தண்டேவாடா மாவட்டம் பான்சி நகரில் சாலை அமைக்கும் பணி நடைபெற்றது. இதற்காக வடமாநிலத்தவர்கள் உள்பட பல தொழிலாளர்கள் அங்கேயே தங்கியிருந்து பணிபுரிந்து வந்தனர்.
இந்த நிலையில் இன்று அதிகாலை 1 மணியளவில் ஐம்பதுக்கும் மேற்பட்டவர்கள் தொழிலாளர்கள் தங்கியிருந்த முகாமுக்குள் தீப்பந்தங்களுடன் அத்துமீறி ஊடுருவினர்.
பின்னர் அங்கு நிறுத்தப்பட்டிருந்த வாகனங்கள் அனைத்திற்கும் சரமாரியாக தீ வைத்துவிட்டு அங்கிருந்து தப்பித்துச் சென்றுள்ளனர். இந்தத் தீ விபத்தில் அதிர்ஷ்டவசமாக யாருக்கும் எந்த பாதிப்பும் ஏற்படவில்லை. ஆனால்,14 வாகனங்கள் எரிந்து நாசமாகியது.
சம்பவம் தொடர்பாக போலீசாருக்கு கிடைத்த தகவலின் படி அவர்கள் சம்பவ இடத்திற்கு விரைந்து வந்து நடத்திய முதல்கட்ட விசாரணையில் வாகனங்களை எரித்துவிட்டு தப்பியோடியவர்கள் நக்சலைட்டுகள் என்று தெரிய வந்தது.
நேரில் பார்த்த சாட்சிகளின்படி, அடையாளம் தெரியாத 40 முதல் 50 பேர் ஆயுதத்துடன், சம்பவ இடத்திற்கு வந்து, அங்கு நிறுத்தப்பட்டிருந்த 14 வாகனங்கள் உள்ளிட்ட இயந்திரங்கள், லாரிகள், பொக்லைன்கள் மற்றும் மண் அள்ளும் இயந்திரங்கள் உள்ளிட்டவற்றை தீ வைத்து எரித்துச் சென்றது தெரிய வந்தது.
English Summary
Naxalites fire to construction work vehicles