சத்தீஸ்கரில் நக்சலைட்டுகள் துப்பாக்கிச் சூடு.! மூன்று போலீசார் பலி.!
near chattisgarh three police mans died for naxalites gun shoots
சமீப காலமாக சத்தீஸ்கர் மாநிலத்தில் நக்சலைட்டுகள் தாக்குதல் நடத்தி வருகின்றனர். அவர்களை ஒழிப்பதற்கு அம்மாநில அரசு தீவிர நடவடிக்கை மேற்கொண்டு வருகிறது.
இந்த நிலையில், இன்று சத்தீஸ்கர் மாநிலத்தின் தலைநகர் ராய்ப்பூரில் இருந்து சுமார் 400 கிலோ மீட்டர் தொலைவில் உள்ள சுக்மா மாவட்டத்தில் ஜாகர்குண்டா மற்றும் குண்டேட் கிராமங்களில் நக்சலைட்டுகள் பதுங்கி இருப்பதாக தகவல் கிடைத்தது.
அந்த தகவலின் படி போலீசார் சம்பவ இடத்திற்கு விரைந்து சென்று தேடுதல் வேட்டையில் ஈடுபட்டனர். அப்போது, அங்கு மறைந்திருந்த நக்சலைட்டுகள் போலீசார் மீது துப்பாக்கி சூடு நடத்தினர். அதற்கு போலீசாரும் திருப்பி துப்பாக்கிச் சூடு மேற்கொண்டனர்.
இந்த துப்பாக்கிச் சூட்டில் ராமுராம் நாக், குஞ்சம் ஜோகா மற்றும் சைனிக் வஞ்சம் பீமா உள்ளிட்ட மூன்று போலீஸ்காரர்கள் உயிரிழந்தனர். இது தொடர்பாக மற்ற போலீசார் உயர் அதிகாரிகளுக்குத் தகவல் அளித்தனர்.
அதன் படி, உயர் அதிகாரிகள் சம்பவ இடத்திற்கு சென்று விசாரணை மேற்கொண்டனர். அதன் பின்னர், போலீசார் தப்பி ஓடிய நக்சலைட்டுகளை தேடி கண்டுபிடிக்கும் முயற்சியில் ஈடுபட்டுள்ளனர்.
English Summary
near chattisgarh three police mans died for naxalites gun shoots