ரஷ்ய பெண்ணுக்கு பாலிய தொல்லை அளித்த கேரள வாலிபர் கைது.!
near kerala youth arrested for sexuall harassment to russian woman
கேரள மாநிலத்தில் உள்ள கோழிக்கோடு மாவட்டத்தில் கூராச்சுண்டு பகுதியைச் சேர்ந்தவர் முகமது ஆகில். இவருக்கு சமூக வலைத்தளமான இன்ஸ்டாகிராம் மூலம் ரஷ்யாவைச் சேர்ந்த பெண்ணுடன் பழக்கம் ஏற்பட்டுள்ளது. நாளடைவில் இந்த பழக்கம் இருவருக்குள்ளும் நெருக்கத்தை ஏற்படுத்தியது.
இந்த நிலையில், முகமது ஆகில் ரஷ்ய பெண்ணை கேரளாவிற்கு அழைத்துள்ளார். அதன் படி ரஷ்ய பெண்ணும் வந்துள்ளார். இதையடுத்து இருவரும் நேபாளம் மற்றும் கத்தார் உள்ளிட்ட நாடுகளுக்குச் சென்று விட்டு மீண்டும் கோழிகோடுக்கு திரும்பி வந்துள்ளனர்.
பின்னர் இருவரும் ஆகில் வீட்டில் தங்கியுள்ளனர். இதற்கிடையே இந்த ரஷ்ய பெண் கீழே தவறி விழுந்து காயமடைந்ததாக மருத்துவமனையில் அனுமதிக்கப்பட்டார். இது குறித்து தகவல் அறிந்து வந்த காவல்துறையினர் அந்த பெண்ணிடம் விசாரணை நடத்தினர்.
அப்போது இந்த பெண், முகமது ஆகில் தனக்கு கஞ்சா கொடுத்து பாலியல் வன்கொடுமை செய்ததாகவும், தன்னை பலமாகத் தாக்கியதாகவும் தெரிவித்துள்ளார். இதைத் தொடர்ந்து போலீசார் முகமது ஆகில் மீது வழக்குப் பதிவு செய்து கைது செய்துள்ளனர். பிறகு நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.
English Summary
near kerala youth arrested for sexuall harassment to russian woman