குடியரசு தின அணிவகுப்பு.. மக்கள் மனம் கவர்ந்த ஊர்தி தரவரிசை வெளியீடு.!

இந்திய குடியரசு தின ‌அணிவகுப்பில் கலந்து கொண்ட மாநில அலங்கார ஊர்திகளில் உத்தரபிரதேச மாநிலத்தின் ஊர்தி முதலிடத்தை பிடித்துள்ளது.

இந்திய குடியரசு தின விழா கடந்த ஜனவரி 26ம் தேதி கொண்டாடப்பட்டது. டெல்லியில் நடைபெற்ற குடியரசு தின பேரணியில் மகாராஷ்டிரா, உத்திரபிரதேசம் உள்ளிட்ட பல்வேறு மாநில அலங்கார ஊர்களுக்கு அனுமதி அளிக்கப்பட்டது. இதில் தமிழக அலங்கார ஊர்திக்கு அனுமதி மறுக்கப்பட்டது குறிப்பிடத்தக்கது.

இந்த நிலையில் குடியரசு தின விழாவில் கலந்து கொண்ட அலங்கார ஊர்திகளின் மக்களின் மனம் கவர்ந்த ஊர்திகளின் தரவரிசையை மத்திய பாதுகாப்பு அமைச்சகம் வெளியிட்டுள்ளது. அதில் உத்திரப்பிரதேச மாநில அலங்கார ஊர்தி முதலிடத்தையும், கர்நாடக அலங்கார ஊர்தி இரண்டாவது இடத்தையும், மேகலாயா அலங்கார ஊர்தி மூன்றாவது இடத்தையும் பிடித்துள்ளது.

மேலும், முதல் இடத்தைப் பிடித்த உத்தரப்பிரதேச மாநில அலங்கார ஊர்தி ராமர் கோவில் போல அலங்காரம் செய்யப்பட்டிருந்தது குறிப்பிடத்தக்கது.