பெங்களூரு விமான நிலையத்தில் சிக்கிய ரூ.30 கோடி போதைப்பொருள்... பெண் பயணி கைது...!
Rs 30 crore worth drugs seized at Bangalore airport
பெங்களூரு விமான நிலையத்தில் ரூபாய் 30 கோடி மதிப்பிலான போதை பொருட்களை அதிகாரிகள் பறிமுதல் செய்தனர்.
பெங்களூரு சர்வதேச விமான நிலையத்திற்கு ஆப்பிரிக்காவிலிருந்து வரும் விமானத்தில் போதை பொருட்கள் கடத்தி வரப்படுவதாக விமான நிலைய சுங்கத்துறை அதிகாரிகளுக்கு ரகசிய தகவல் கிடைத்துள்ளது. இந்த தகவலையடுத்து அதிகாரிகள் பயணிகளிடம் தீவிர சோதனையில் ஈடுபட்டனர். அப்பொழுது எத்தியோப்பியாவில் இருந்து வந்த விமானத்தில் பயணம் செய்த பெண் பயணி ஒருவரிடம் சந்தேகத்தின் அடிப்படையில் அதிகாரிகள் சோதனை மேற்கொண்டனர்.
இதில் அவரது உடமைகளை சோதனை செய்ததில் கொகைன் போதைப்பொருட்கள் கடத்தி வந்தது கண்டுபிடிக்கப்பட்டது. இதைத்தொடர்ந்து அவரிடம் இருந்த ரூபாய் 30 கோடி மதிப்பிலான இரண்டு கிலோ போதைப்பொருளை பறிமுதல் செய்த அதிகாரிகள், பெண் பயணியை கைது செய்து பரப்பன அக்ரஹார சிறையில் அடைத்தனர். மேலும் இந்த போதை பொருள் கடந்த தொடர்பாக போலீசார் விசாரணை மேற்கொண்டு வருகின்றனர்.
English Summary
Rs 30 crore worth drugs seized at Bangalore airport