மனைவிக்கு துரோகம் செய்த கணவன்.. தட்டிக்கேட்ட மனைவியை கைது செய்து சிறையிலடைத்த போலிஸ்.!

சத்தீஸ்கர் மாநிலத்தில் இருக்கும் கொண்டகன் மாவட்டத்தில் உள்ள ஒரு கிராமத்தை சேர்ந்த திருமணமான வாலிபர் அதே பகுதியில் வசித்து வரும் மற்றொரு இளம் பெண்ணுடன் கள்ளத் தொடர்பில் இருந்துள்ளார். இதற்கிடையில், கடந்த ஜூன் 13ஆம் தேதி அவர் அந்த பெண்ணுடன் உல்லாசமாக இருப்பதை அவருடைய மனைவி நேரில் பார்த்து விட்டார்.

இதனைத்தொடர்ந்து, அந்த பெண் தன்னுடைய உறவினர்களை அழைத்து வந்து கணவர் மற்றும் அவருடன் உல்லாசமாக இருந்த பெண் இருவரையும் கையும் களவுமாக பிடித்துள்ளார். பின்னர், இருவரையும் சரமாரியாக அடித்து உதைத்து அந்த பெண் தாக்கியுள்ளார்.

பின்னர், அந்த கள்ளக்காதலி மற்றும் கணவரை அரை நிர்வாணமாக கிராமத்தின் ஒவ்வொரு தெருக்களிலும் ஊர்வலமாக இழுத்துச் சென்றார். இதுகுறித்து அந்த பெண் மற்றும் கணவர் இருவரும் காவல் நிலையத்தில் புகார் அளித்த நிலையில், போலீசார் வழக்குப்பதிவு செய்து தாக்குதலில் ஈடுபட்ட மனைவி மற்றும் அவரது உறவினர்கள் உட்பட 4 பேரை கைது செய்து சிறையில் அடைத்தனர்.