புதுடெல்லி: ஜம்மு காஷ்மீரின் பாரமுல்லா மாவட்டத்தில் உள்ள குல்மார்க் பகுதியில் ராணுவ வாகனம் மீது தீவிரவாதிகள் நடத்திய தாக்குதலில், 2 ராணுவ வீரர்கள் உள்பட 4 பேர் பலியாகியுள்ளனர். இந்த சம்பவம், நாட்டில் பெரும் அதிர்ச்சியை ஏற்படுத்தியுள்ளது.

இந்த தாக்குதல் குறித்து மக்களவை எதிர்க்கட்சி தலைவர் ராகுல் காந்தி தனது எக்ஸ் தளத்தில் பதிவு செய்துள்ள அறிக்கையில், “ஜம்மு காஷ்மீரின் குல்மார்க்கில் ராணுவ வாகனம் மீது தீவிரவாதிகள் நடத்திய கோழைத்தனமான தாக்குதலில் துணிச்சலான நம் வீரர்கள் இரண்டு பேர் வீரமரணமடைந்தனர் என்ற செய்தி கேட்டு ஆழ்ந்த துயருற்றேன். இறந்தவர்களின் குடும்பத்தினருக்கு என் ஆழ்ந்த இரங்கல்கள்” எனக் கூறியுள்ளார்.

மேலும், “ஜம்மு காஷ்மீரில் பாதுகாப்பு மற்றும் அமைதியை நிலைநாட்டுவதில் மோடி தலைமையிலான தேசிய ஜனநாயக கூட்டணி அரசின் கொள்கைகள் முற்றிலும் தோல்வி அடைந்து விட்டன. பாஜக் கட்சியின் கூற்றுகளுக்கு மாறாக அங்கு தீவிரவாத தாக்குதல்கள் நீடிக்கின்றன. இந்த தாக்குதல், அரசு ஆபத்தின் நிழலில் இருக்கிறது என்ற நிலையை காட்டுகிறது. அரசாங்கம் உடனடியாக பொறுப்புக்கூறலை மேற்கொள்ள வேண்டும். அங்கு அமைதியை மீட்டெடுத்து, ராணுவ வீரர்கள் மற்றும் மக்களின் பாதுகாப்பை உறுதி செய்ய வேண்டும்” என்றார்.

இந்த தாக்குதலில் உயிரிழந்த வீரர்களின் குடும்பங்களுக்கு கிடைக்கும் ஆதரவு மற்றும் அவர்களின் ஆற்றலுக்கு போதுமான மரியாதை வழங்கப்பட வேண்டும் என்பதற்கான வேண்டுகோளும் காந்தியின் பதிவில் அடங்கியுள்ளது.