ஜம்மு-காஷ்மீரில் போதைப் பொருள் மற்றும் வெடிபொருள்கள் வைத்திருந்த 3 பேர் கைது.!

ஜம்மு-காஷ்மீரில் போதைப்பொருள் மற்றும் வெடிபொருட்கள் வைத்திருந்த மூன்று பேரை போலீசார் கைது செய்துள்ளனர்.

ஜம்மு காஷ்மீரில் குப்வாரா காவல்துறையினர் வழக்கமான வாகன சோதனையில் ஈடுபட்டிருந்தனர். அப்பொழுது சந்தேகத்தின் அடிப்படையில் ஒரு வாகனத்தை சோதனை செய்ததில் அதில் 7 கிலோ ஹெராயின் போதை பொருள் மற்றும் வெடிபொருட்கள் இருந்தது கண்டுபிடிக்கப்பட்டுள்ளது.

இதைத்தொடர்ந்து போதைப்பொருள் மற்றும் வெடி பொருளை பறிமுதல் செய்த போலீசார் இது தொடர்பாக 3 பேரை கைது செய்தனர்.

மேலும் அவர்கள் மீது வழக்குப்பதிவு செய்து விசாரணை மேற்கொண்டதில் பயங்கரவாத நடவடிக்கைகளுக்கு தேவையான போதைப்பொருள் மற்றும் வெடிகுண்டுகளை பிற பகுதிகளுக்கு கொண்டு சென்றது தெரியவந்துள்ளது.