குஜராத்தில் மூன்று வாகனங்கள் மோதி தீப்பிடிப்பு! இருவர் பலி.!

குஜராத்தில் மூன்று வாகனங்கள் மோதி தீப்பிடித்ததில் 2 பேர் உயிரிழந்து உள்ளனர்.

குஜராத் ஆரவல்லி மாவட்டத்தில் உள்ள ஆலந்தூர் கிராமம் அருகே மொடாசா-தன்சுரா சாலையில் இரண்டு லாரிகளும், காரும் மோதி விபத்து ஏற்பட்டுள்ளது.

மூன்று வாகனங்கள் மோதியதில் டேங்கரில் தீப்பிடித்து மளமளவென்று கொழுந்து விட்டு எரிந்து உள்ளது. இந்த விபத்தில் சம்பவ இடத்திலேயே பரிதாபமாக 2 பேர் உடல் கருகி உயிரிழந்துள்ளனர்.

விபத்து குறித்து தகவல் அறிந்து சம்பவ இடத்திற்கு வந்த போலீசார் மற்றும் தீயணைப்பு வீரர்கள் கடும் போராட்டத்திற்கு பின்பு தீயை அணைத்தனர். இதையடுத்து படுகாயமடைந்த இரண்டு பேரை மீட்டு சிகிச்சைக்காக மருத்துவமனையில் அனுமதித்தனர்.

மேலும் இந்த விபத்து குறித்து போலீசார் தீவிர விசாரணை மேற்கொண்டு வருகின்றனர்.