கர்நாடகாவில் சோகம் : அரசுப் பேருந்து-தனியார் பள்ளிப் பேருந்து நேருக்கு நேர் மோதியதில் பள்ளி மாணவர்கள் இருவர் பலி!

கர்நாடக மாநிலத்தில் உள்ள ராய்ச்சூர் மாவட்டம், மான்வி தாலுகா அருகே, கபகல் பகுதி அமைந்துள்ளது. இந்நிலையில் கபகல் பகுதியில் தனியார் பள்ளி வாகனம் ஒன்று அரசுப் பேருந்து மீது நேருக்கு நேர் மோதி விபத்திற்குள்ளானது.

இந்த கோர விபத்தில் சிக்கி இரண்டு பள்ளி மாணவர்கள் பரிதாபமாக உயிரிழந்தனர். இந்த விபத்தில் உயிரிழந்த மாணவர்கள் சமர்த் மற்றும் ஸ்ரீகாந்த் என்பது அடையாளம் காணப்பட்டுள்ளது.

மேலும் இந்த விபத்தில் 30-க்கும் குழந்தைகள் உட்பட சுமார் 40 பேர் காயமடைந்துள்ளதாகவும், அவர்களில் 3 மாணவர்களின் நிலை கவலைக்கிடமாக நிலையில் அருகிலுள்ள மருத்துவமனையில் சிகிச்சை பெற்று வருவதாகவும் தகவல்கள் தெரிவிக்கின்றன.

இந்நிலையில் இந்த விபத்து குறித்து போலீசார் வழக்குப்பதிவு செய்து விசாரணை மேற்கொண்டு வருகின்றனர்.