8 ஆண்டுகளில் 133 கோடி மக்களின் வாழ்க்கையில் மாற்றத்தை ஏற்படுத்திய பிரதமர்.! முதல்வர் யோகி ஆதித்யநாத் புகழாரம்.!
Uttarpradesh cm Yogi Adityanath praised PM Modi
பிரதமர் மோடி எட்டு ஆண்டுகளில் 133 கோடி மக்களின் வாழ்க்கையில் மாற்றத்தை ஏற்படுத்தியதாக முதல்வர் யோகி ஆதித்யநாத் தெரிவித்துள்ளார்.
பிரதமர் நரேந்திர மோடி ஆட்சிக்கு வந்து 8 ஆண்டுகள் நிறைவடைந்ததையொட்டி, இன்று பாஜக மாநிலத் தலைமையகத்தில் செய்தியாளர்கள் கூட்டம் நடைபெற்றது.
இந்த கூட்டத்தில் பங்கேற்று பேசிய உத்தரபிரதேச முதல்வர் யோகி ஆதித்யநாத், அனைவருடைய வளர்ச்சிக்கும், உழைப்புக்கும் உதவும் என்ற முழக்கத்துடன், பாஜக தலைமையிலான அரசு 2014-க்கு பிறகு நாட்டின் நிலைமையை மாற்றியது என்று தெரிவித்துள்ளார்.
மேலும் 2014 ஆம் ஆண்டுக்கு முன்பு மக்கள் மத்தியில் அரசாங்கத்தின் மீது அவநம்பிக்கை இருந்தது. ஆனால் பிரதமர் மோடி ஆட்சிக்கு வந்ததும், கிராம மக்கள், ஏழைகள், பெண்கள் மற்றும் சமூகத்தின் அனைத்து பிரிவினருக்கும் எவ்வித பாகுபாடும் இல்லாமல் நலத்திட்டங்கள் தொடங்கப்பட்டு, நாட்டின் 133 கோடி மக்களின் வாழ்க்கை மாறி உள்ளது என்று தெரிவித்துள்ளார்.
English Summary
Uttarpradesh cm Yogi Adityanath praised PM Modi