அமுல் நிறுவனத்தின் மோர் பாக்கெட்டில் புழு இருக்கும் வீடியோவை வாடிக்கையாளர் பதிவிட்டுள்ளார். அதற்கு அமுல் நிறுவனம் மன்னிப்பு கேட்டுள்ளதாக தகவல் வெளியாகி உள்ளது.

அமுல் நிறுவனத்தின் மோர் பாக்கெட்டில் புழு நெளியும் வீடியோ சமூக வலைதள பக்கமான எக்ஸ் தளத்தில் வெளியாகி வைரலாக பரவியது. இதனையடுத்து அமுல் நிறுவனம் பலர் கண்டனம் தெரிவித்தனர்.

அந்த பதிவில் ஒரு பதிவிட்டிருந்ததாவது, அமுல் இணையதளத்தில் பொருட்கள் வாங்குவது நிறுத்துங்கள். அமுல் உங்கள் அதிக புரதசத்து  நிறைந்த மோருடன் சேர்த்து எங்களுக்கு புழுவையும் அனுப்பி உள்ளார்கள் என்று கடுமையாக சாடி சமூக வலைதளப் பக்கமான எக்ஸ் தளத்தில் பதிவிட்டு இருந்தார்.

🚨 Stop Buying products from @Amul_Coop website 🚨

Hey Amul you have sent us WORMS along with your high protien buttermilk.

I am writing to express my deep dissatisfaction after discovering worms in the buttermilk I purchased recently. This experience was incredibly..... pic.twitter.com/vmLC4rp89z

— Gajender Yadav (@imYadav31) July 17, 2024

அடுத்த  எக்ஸ் பதிவில், நான் அமுல் நிறுவனத்திற்கு ஒரு மின்னஞ்சலை அனுப்பி உள்ளேன். இது தொடர்பாக அனைத்து ஆதாரங்களையும் இணைத்துள்ளேன். நான் எந்த ஒரு பொய்யான  குற்றச்சாட்டையும் சொல்லவில்லை என்று தெரிவித்திருந்தார்.

இது தொடர்பான வீடியோ சமூக வலைத்தளங்களில் வைரலாக பகிரப்பட்டதை அடுத்து இந்த விவகாரம் தொடர்பாக குஜராத்தில் உள்ள அமுல் தலைமை நிறுவன அலுவலகத்தில் இருந்து அவருக்கு அழைப்பு வந்ததாகவும் நடந்த இந்த சம்பவத்திற்கு வருத்தத்தை தெரிவித்துள்ளதாகவும் அவர் தெரிவித்துள்ளார்.