மூக்கைத் துளைக்கும் சின்ன வெங்காயம் தொக்கு.!
recipe of sinna vengayam thokku
நாம் இதுவரைக்கும் தக்காளியில் தான் தொக்கு செய்து சாப்பிட்டிருப்போம். முதல் முறையாக சின்ன வெங்காயத்தில் தொக்கு செய்வது குறித்து இந்தப் பதிவில் காண்போம்.
தேவையான பொருட்கள்:
சின்ன வெங்காயம்
கடுகு
கொத்தமல்லி விதை
வெந்தயம்
பெருங்காயத்தூள்
புளி கரைசல்
நல்லெணெய்
கடுகு உளுந்தம்பருப்பு
கருவேப்பிலை
உப்பு
மஞ்சள் தூள்
மிளகாய் தூள்
பொடி செய்த வெல்லம்
செய்முறை:
• முதலில் சின்ன வெங்காயத்தை நன்கு பொடியாக நறுக்கி கொள்ள வேண்டும். பின்னர் ஒரு கடாயில் கடுகு, கொத்தமல்லி விதை, வெந்தயம், பெருங்காயம் ஆகியவற்றை வறுத்து ஆற வைத்து பொடி செய்து கொள்ள வேண்டும்.
* அடுப்பில் ஒரு கடாய் வைத்து நல்லெண்ணெய் ஊற்றி சூடானதும் கடுகு, உளுத்தம்பருப்பு மற்றும் கருவேப்பிலை சேர்த்து தாளித்து நறுக்கி வைத்துள்ள சின்ன வெங்காயத்தை சேர்த்து வதக்க வேண்டும்.
• இதில், மஞ்சள் தூள், உப்பு, மிளகாய் தூள் சேர்த்து வதக்கி புளிக்கரைசலை ஊற்றி நன்றாக கிளறிவிட்டு 5 நிமிடங்கள் கொதிக்க விடவும். எண்ணெய் பிரிந்து வரும் பொழுது நாம் பொடி செய்து வைத்துள்ள மசாலாவை சேர்த்து விட்டு வெல்லத்தை கலந்து வேகவைத்து இறக்கினால் சுவையான வெங்காயம் தொக்கு தயார்.
English Summary
recipe of sinna vengayam thokku