சென்னை அம்பத்தூர் பகுதியில், மதுபோதையில் ரவுடிகள் இருவர் பொதுமக்களை அரிவாளால் வெட்டி அராஜகம் செய்த சம்பவம், பெரும் பரபரப்பையும் அதிர்ச்சியையும் ஏற்படுத்தியுள்ளது. 

சென்னை அம்பத்தூர் அடுத்த சண்முகபுரம் பகுதியில் ஆட்டோவில் வந்து இறங்கிய 2 ரவுடிகள், தங்களுக்குள்ளாகவே மதுபோதையில் சண்டையிட்டுக் கொண்டனர். 

அப்போது அவர்களை சமாதானம் செய்ய சென்ற மாணிக்கம் என்ற நபரை அரிவாளால் வெட்டி விட்டு,  பின்னர் அந்த ரவுடிகள் இருவரும் ஆட்டோவில் ஏறி அங்கிருந்து தப்பி சென்றுள்ளனர்.

இந்த ரவுடிகள் இருவரும் ஆட்டோவில் செல்லும் வழியில், மேலும் பொதுமக்கள் 4 பேரை அரிவாளால் வெட்டி விட்டு சென்றுள்ளனர்.

மேலும், திமுக பிரமுகர் ஸ்ரீராம் என்பவரின் வீட்டில் நிறுத்தப்பட்டிருந்த காரின் பின்பக்க கண்ணாடியை அரிவாளால் அடித்து நொறுக்கியுள்ளனர்.

இது குறித்து காவல்துறையினர் வழக்குப் பதிவு செய்து விசாரணை மேற்கொண்டதில், வில்லிவாக்கம் சிட்கோ நகரில் இருவர் கத்தியுடன் சுற்றுவதாக போலீசாருக்கு ரகசிய தகவல் கிடைத்தது. 

இதனையடுத்து சம்பவ இடத்திற்கு சென்ற போலீசார், இருவரையும் பிடிக்க முயன்றனர். அப்போது அதில் ஒருவன் தப்பிச் செல்லவே, கணேசன் என்ற ரவுடியை மட்டும் போலீசார் கையில் சிக்கினான்.

போலீசாரின் விசாரணையில் இருவர் மீதும் பல்வேறு வழக்குகள் நிலுவையில் உள்ளதாக தெரியவந்துள்ளது.