எங்களுக்கு அதான் சந்தேகமே! அவர் கிரிமினல் ஆச்சே! திமுக தரப்பில் பரபரப்பு பேட்டி!
DMK Appavu say about TVK Vijay
நேற்று நடைபெற்ற தமிழக வெற்றிக் கழகத்தின் முதல் மாநாட்டில் உரையாற்றிய கட்சியின் தலைவர் விஜய், எங்களுடைய கட்சியை A டீம், B டீம் என்று சொல்வது, எங்களுக்கென்று ஏதாவது சாயங்களை பூசுவது போன்ற நடவடிக்கைகளில் ஈடுபடக்கூடாது.
எங்கள் கட்சிக் கொடியில் உள்ள வர்ணங்கள் மட்டும்தான் எங்களுடைய வர்ணங்கள். அதைத் தாண்டி வேறு யாரும் எந்த வர்ணத்தையும் எங்கள் மீது பூச முடியாது என்று, பிரதான கட்சிகளுக்கு எச்சரிக்கை விடுத்திருந்தார்.
மேலும் கட்சியின் கொள்கை, கோட்பாடுகளை விவரித்த விஜய், பாஜக மற்றும் திமுக தான் தங்களின் அரசியல் எதிரிகள் என்றும், அவர்களை எதிர்த்து தான் தங்களின் அரசியல் இருக்கும் என்பதையும் வெளிப்படையாகவே அறிவித்துள்ளார்.
இந்த நிலையில், நெல்லையில் செய்தியாளர்களை சந்தித்த சட்டப்பேரவை தலைவர் அப்பாவு தெரிவிக்கையில், தமிழக வெற்றி கழகத்திற்கு துணை முதலமைச்சர் வாழ்த்து தெரிவித்துள்ளார். நானும் எனது வாழ்த்துக்களை தெரிவித்துக் கொள்கிறேன்.
ஏற்கனவே தமிழகத்தில் பல நடிகர்கள் கட்சி ஆரம்பித்து உள்ளார்கள். அதேபோல நடிகர் விஜய்யும் தற்போது கட்சி ஆரம்பித்துள்ளார். தமிழக வெற்றி கழகத்தின் பொதுச் செயலாளராக இருக்கக்கூடிய ஆனந்த் பற்றி சில தகவல்கள் வெளியாகி உள்ளன.
அவர் பாஜக தலைவர்கள், மத்திய உள்துறை அமைச்சர் அமித்ஷா உள்ளிட்டவர்களுடன் நெருக்கமாக இருப்பதாக வெளியான அந்த தகவல்கள் தெரிவிக்கின்றன. இப்படியான ஒருத்தரை எப்படி தமிழக வெற்றி கழகத்தின் பொதுச்செயலாளராக நியமித்திருக்கிறார்கள் என்று தெரியவில்லை.
மேலும் விஜய் தனது கட்சியை A டீம், B டீம் இல்லை என்று சொல்வது தான் தற்போது சந்தேகத்தை எழுப்பியுள்ளது. மேலும் விஜயின் தந்தை தமிழக வெற்றி கழகத்தின் பொதுச்செயலாளர் ஆனந்தை ஏற்கனவே ஒரு கிரிமினல் என்று தெரிவித்திருந்தார். அவர் தற்போது நல்லவராக மாறிவிட்டாரா என்று தெரியவில்லை என்று அப்பாவு தெரிவித்தார்.
English Summary
DMK Appavu say about TVK Vijay