தமிழக வெற்றிக் கழகத்தின் பொதுச் செயலாளர் என்.ஆனந்த் ஒரு புதிய அறிவிப்பை வெளியிட்டுள்ளார். இதில், கட்சியின் மாவட்ட நிர்வாகிகள், தலைவர்கள், மற்றும் அணித் தலைவர்கள் கடைபிடிக்க வேண்டிய முக்கிய வழிமுறைகள் குறித்து தெளிவுபடுத்தப்பட்டிருக்கின்றன.

அறிக்கையின் முக்கிய அம்சங்கள்:கட்சித் தலைவர் விஜயின் அறிவுறுத்தலின்படி, மாவட்ட அளவில் நடைபெறும் அனைத்து நிகழ்ச்சிகளும் குறிப்பிட்ட ஒரு வரிசையில் நடத்தப்பட வேண்டும்.

நிகழ்ச்சிகள் தொடங்கும்போது,முதலில் தமிழ்த்தாய் வாழ்த்து பாடல்.அதன் பின் கொள்கைப் பாடல்.உறுதிமொழி எடுக்கும் நிகழ்ச்சி.

திட்டமிட்ட நிகழ்ச்சிகளை மேற்கொள்ளும் முன், மேற்கண்ட மூன்று செயல்பாடுகளை கடைபிடிக்க வேண்டும்.நிகழ்ச்சி நிறைவில் கழக கொடிப் பாடல் பாட வேண்டும்.

மாவட்ட அளவில் ஏற்பாடு செய்யப்படும் ஆலோசனைக் கூட்டங்கள், பொதுக்கூட்டங்கள், மற்றும் செய்தியாளர் சந்திப்பு போன்ற நிகழ்வுகள், கட்சி தலைமையிடத்தின் அனுமதி பெற்ற பின்பே நடத்தப்பட வேண்டும்.

இந்த அறிவிப்பின் மூலம், தமிழ்நாடு வெற்றிக் கழகத்தில் ஒழுங்கு மற்றும் ஒற்றுமையை வளர்க்கும் நோக்கத்துடன் நிகழ்ச்சிகளை நியமிக்கப்பட்ட விதிமுறைகளின் கீழ் நடத்த வேண்டுமெனக் கூறப்பட்டுள்ளது.

கட்சியின் எதிர்கால நடவடிக்கைகள் மற்றும் நிகழ்ச்சிகள், மேலதிகமான ஒழுங்குகளுடன் நடைபெறும் வகையில் இந்த அறிவிப்பு ஒரு வழிகாட்டியாக விளங்குகிறது.