#BigBreaking || பாமக பெண் வேட்பாளரை சற்றுமுன் காரில் கடத்தி சென்ற திமுகவினர்.!

செங்கம் பேரூராட்சிகள் பாமக பெண் வேட்பாளர் அருள்ஜோதி கடத்தப்பட்டதாக தற்போது புகார் எழுந்துள்ளது.

இது சம்பந்தமாக பாமக திமுகவின் இடையே மோதல் வெடித்துள்ளது. பாட்டாளி மக்கள் கட்சியின் பெண் வேட்பாளரை வலுக்கட்டாயமாக காரில் ஏற்றி கடத்திச் சென்றதாக பாமகவினர் புகார் அளித்துள்ளனர்.

செங்கம் பேரூராட்சியில் மொத்தமுள்ள 18 வார்டுகளில், திமுக 9 இடங்களிலும், அதிமுக எட்டு இடங்களிலும் கைப்பற்றியுள்ளன. மீதமுள்ள ஒரு வார்டில் பாட்டாளி மக்கள் கட்சி வேட்பாளர் அருள்ஜோதி என்பவர் வெற்றி பெற்றுள்ளார்.

அவருடைய வாக்கு யாருக்கு என்று கேள்வி எழுந்த நிலையில், அவருடைய ஆதரவை பெறுவதற்காக திமுகவினர் அவரை கடத்திச் சென்றதாக பாட்டாளி மக்கள் கட்சியை சேர்ந்தவர்கள் புகார் அளித்துள்ளனர்.