பாமக நிர்வாகிகள் இனி இதை செய்ய வேண்டாம் - டாக்டர் இராமதாஸ் போட்ட டிவிட்!
PMK Dr RAMADOSS announce
பாட்டாளி மக்கள் கட்சியின் அனைத்து நிலை நிர்வாகிகளுக்கும், அக்கட்சியின் நிறுவனர் மருத்துவர் இராமதாஸ் முக்கிய அறிவிப்பு ஒன்றை வெளியிட்டுள்ளார்.
அதில், பாட்டாளி மக்கள் கட்சியின் அனைத்து நிலை நிர்வாகிகள் கவனத்திற்கு!
பாட்டாளி மக்கள் கட்சி சார்பில் நடத்தப்படும் மாநாடுகள், பொதுக்கூட்டங்கள், ஆர்ப்பாட்டங்கள் உள்ளிட்ட எந்த நிகழ்ச்சிகளாக இருந்தாலும், அதில் மாவட்ட செயலாளர்கள் உள்ளிட்ட நிர்வாகிகள் மகிழுந்துகளில் வந்து பங்கேற்கக் கூடாது.
நிகழ்ச்சிகளில் பங்கேற்க விரும்பும் பெண்கள் உள்ளிட்ட பாமகவினரை பேருந்து, மூடுந்துகளில் (வேன்கள்) அழைத்துக் கொண்டு அவர்களுடன் ஒன்றாக பயணித்து வர வேண்டும்.
இனிவரும் காலங்களில் இந்த அறிவுறுத்தலை அனைவரும் தவறாமல் கடைபிடிக்க வேண்டும்" என்று மருத்துவர் இராமதாஸ் அறிவுத்தியுள்ளார்.