வெற்றி வாகை சூடிய வினேஷ் போகத்! 19 ஆண்டு வேதனை முறியடிப்பு! வரலாற்று வெற்றியை பதிவு செய்த பாஜக!

ஹரியானா மாநிலத்தில், ஜூலானா தொகுதியில் போட்டியிட்ட மல்யுத்த வீராங்கனையான வினேஷ் போகத், சுமார் 5500 வாக்குகள் வித்தியாசத்தில் வெற்றி பெற்றுள்ளதாக அறிவிக்கப்பட்டுள்ளது.

சுமார் 19 ஆண்டுகளுக்குப் பிறகு ஜூலானா தொகுதியில் காங்கிரஸ் கட்சி வேட்பாளர் ஒருவர் வெற்றி பெற்றுள்ளார்.

ஹரியானா மாநிலத்தில் ஜூலானா தொகுதியில் போட்டியிட்ட காங்கிரஸ் வேட்பாளர் தினேஷ் போகத் தற்போது வெற்றி பெற்றுள்ளதாக அதிகாரப்பூர்வமாக அறிவிக்கப்பட்டுள்ளது.

வினேஷ் போகத் தன்னை எதிர்த்துப் போட்டியிட்ட வேட்பாளரை விட சுமார் 5500 வாக்குகள் வித்தியாசத்தில் அபார வெற்றியை பெற்றுள்ளார்.

பாஜக வேட்பாளர் யோகேஷ் குமாரை வீழ்த்தி 63 ஆயிரத்து 350 வாக்குகளை பெற்று வெற்றி பெற்றுள்ளார் வினேஷ் போகத்.

இருப்பினும் ஹரியானா சட்டமன்ற தேர்தலைப் பொறுத்தவரை பாஜக தனி பெரும்பான்மையுடன் ஆட்சி அமைப்பது உறுதி ஆகி உள்ளது.

மொத்தம் உள்ள 90 தொகுதிகளில் பெரும்பான்மைக்கு தேவையான தொகுதிகளை விட 3 தொகுதிகளில் (46+3) முன்னிலை முன்னிலை பெற்று பாஜக மூன்றாவது முறையாக ஆட்சி அமைப்பது உறுதி ஆகி உள்ளது.

ஹரியானா மாநிலத்தை பொருத்தவரை ஒரு கட்சி தொடர்ந்து மூன்றாவது முறையாக ஆட்சி அமைப்பது இதுவே முதல் முறையாகும்.