திருவண்ணாமலையில் அதிகரிக்கும் பக்தர்கள் கூட்டம் - விடிய விடிய கிரிவலம்.!
devotees croud increase in thiruvannamalai temple
திருவண்ணாமலை மாவட்டத்தில் உள்ள உலக பிரசித்தி பெற்ற அருணாசலேஸ்வரர் கோவிலில் பவுர்ணமி நாட்களில் லட்சக்கணக்கான பக்தர்கள் கிரிவலம் செல்வார்கள். அந்த வகையில், வைகாசி மாதத்திற்கான பவுர்ணமி நேற்று இரவு 7.09 மணி அளவில் தொடங்கியது. இதனை முன்னிட்டு நேற்று காலை முதலே பக்தர்களின் வருகை அதிகமாக காணப்பட்டது.
![](https://img.seithipunal.com/media/thiruvannamalai-t6h8z.png)
குறிப்பாக பள்ளிகளில் கோடை விடுமுறை அளிக்கப்பட்டுள்ளதாலும், நேற்று வைகாசி விசாகம் என்பதாலும் உள்ளூர் மட்டுமல்லாமல், வெளி மாவட்டங்களிலிருந்தும் பவுர்ணமி கிரிவலம் மேற்கொள்ள லட்சக்கணக்கான பக்தர்கள் திருவண்ணாமலையில் குவிந்தனர்.
கோவிலுக்கு வெளியில் மட்டுமின்றி கோவில் உள்புறமும் பல்வேறு வரிசைகள் அமைக்கப்பட்டு பக்தர்கள் சிரமமில்லாமல் சாமி தரிசனம் செய்ய சென்றனர். கோவிலில் சாமி தரிசனம் செய்ய நான்கு மணி நேரத்திற்கு மேலானதாக பக்தர்கள் தெரிவித்தனர். பவுர்ணமி கிரிவலமானது இன்று இரவு 7.44 மணி அளவில் நிறைவடைகின்றது. அதனால் பக்தர்கள் விடிய, விடிய கிரிவலம் சென்ற வண்ணம் இருக்கின்றனர்.
English Summary
devotees croud increase in thiruvannamalai temple