இந்தியாவில் நடைபெறும் பிரம்மாண்ட கிரிக்கெட் தொடரான ஐபிஎல் கிரிக்கெட் தொடர் இதுவரை 15 சீசன்கள் முடிவடைந்துள்ளது. இதனையடுத்து ஐபிஎல் 2023 ஆம் ஆண்டுக்கான ஐபிஎல் போட்டிக்கான வீரர்கள் மினி ஏலம் கடந்த டிசம்பர் 25ம் தேதி கொச்சியில் நடைபெற்றது.

இந்த நிலையில் 2023ம் ஆண்டுக்கான 16வது ஐபிஎல் சீசன் போட்டிகள் எப்போது தொடங்கும் என்ற எதிர்பார்ப்பு நிலவி வந்தது. இந்த நிலையில் 16வது ஐபிஎல் சீசன் போட்டிகள் மார்ச் 31ம் தேதி தொடங்கி ஏப்ரல் 28 வரை நடைபெற உள்ளது. இந்த சீசனில் மொத்தம் 70 போட்டிகள் நடைபெற உள்ளது.

மொத்தம் 10 அணிகள் பங்கேற்கும் இந்த சீசனில் 2 பிரிவுகளாக பிரிக்கப்பட்டுள்ளது. 'ஏ' ஆகிய g, 'பி' பிரிவில் ஆகிய 5 அணிகளும் இடம்பெற்றுள்ளன. இதில் ஒவ்வொரு அணியும் தங்களுடைய பிரிவில் உள்ள அணிகளுடன் 2 முறையும், மற்றொரு பிரிவில் உள்ள அணிகளுடன் ஒரு முறையும் மோதுகின்றன.

இதில், மார்ச் 31ம் தேதி அகமதாபாத்தில் நடைபெறும் முதல் போட்டியில் ஹார்திக் பாண்டியா தலைமையிலான குஜராத் டைட்டன்ஸ் அணியும், எம் எஸ் தோனி தலைமையிலான சென்னை சூப்பர் கிங்ஸ் அணியும் மோதுகின்றன. 

இதில், சமீபத்தில் நடைபெற்ற மினி ஏலத்தில் 16.25 கோடி ரூபாய்க்கு இங்கிலாந்து அணியின் அதிரடி ஆல்ரவுண்டரான பெண் ஸ்டோக்ஸை சென்னை சூப்பர் கிங்ஸ் அணி வாங்கியுள்ளது.

இந்த நிலையில் சென்னை சூப்பர் கிங்ஸ் அணியின் ஆல்ரவுண்டரான பென் ஸ்டோக்ஸ் நடப்பாண்டு ஐபிஎல் தொடரில் இறுதி கட்ட போட்டிகளில் விளையாட மாட்டார் என்ற அதிர்ச்சி தகவல் வெளியாகியுள்ளது. 

அதன்படி, அயர்லாந்து மற்றும் ஆஸ்திரேலிய அணிகளுக்கு எதிரான டெஸ்ட் கிரிக்கெட் தொடர் வரும் ஜூன் மாதத்தில் நடைபெற உள்ளது. இதில் பங்கேற்பதற்கான பயிற்சி ஆட்டங்களில் விளையாடவுள்ளதால், பென் ஸ்டோக்ஸ் ஐபிஎல்லின் இறுதிகட்ட போட்டிகளில்  விளையாட மாட்டார் என கூறப்படுகிறது.

ஏற்கனவே, சென்னை சூப்பர் கிங்ஸ் அணியில் இருந்து நியூசிலாந்து வேகப்பந்து வீச்சாளர் கைல் ஜேமிசன் காயம் காரணமாக விலகியுள்ள நிலையில், தற்போது பென் ஸ்டோக்ஸ் இறுதிக்கட்ட போட்டிகளில் விளையாட மாட்டார் என்ற தகவல் ரசிகர்களிடையே அதிர்ச்சியை ஏற்படுத்தி உள்ளது.