இந்தியாவில் நடைபெறும் பிரம்மாண்ட கிரிக்கெட் தொடரான ஐபிஎல் கிரிக்கெட் தொடர் இதுவரை 15 சீசன்கள் முடிவடைந்துள்ளது. அதன்படி கடந்த 2008 ஆம் ஆண்டு பிசிசிஐ தொடங்கிய ஐபிஎல் டி20 தொடர் உலகம் முழுவதும் பிரபலமாகியுள்ளது.

இதனையடுத்து ஐபிஎல் 2023 ஆம் ஆண்டுக்கான ஐபிஎல் போட்டிக்கான வீரர்கள் மினி ஏலம் கடந்த டிசம்பர் 25ம் தேதி கொச்சியில் நடைபெற்றது. இந்த நிலையில் 16வது ஐபிஎல் சீசன் போட்டிகள் மார்ச் 31ம் தேதி தொடங்கி ஏப்ரல் 28 வரை நடைபெற உள்ளது. இந்த சீசனில் மொத்தம் 74  போட்டிகள் நடைபெற உள்ளது.

இதில், மார்ச் 31ம் தேதி அகமதாபாத் மைதானத்தில் இரவு 7.30 மணிக்கு நடைபெறும் முதல் போட்டியில் ஹார்திக் பாண்டியா தலைமையிலான குஜராத் டைட்டன்ஸ் அணியும், எம் எஸ் தோனி தலைமையிலான சென்னை சூப்பர் கிங்ஸ் அணியும் மோதுகின்றன. 

Edra Vandiya Podra Whistles ah!✈️#WhistlePodu #Yellove 🦁💛 pic.twitter.com/smTneilqfh

— Chennai Super Kings (@ChennaiIPL) March 29, 2023

இதனையடுத்து நடப்பாண்டு ஐபிஎல் தொடருக்கு அனைத்து அணிகளும் தயாராகி வருகின்றன. அதற்காக அனைத்து அணி வீரர்களும் தீவிர வலை பயிற்சியில் ஈடுபட்டு வருகின்றன.

அந்த வகையில் சென்னை சூப்பர் கிங்ஸ் அணி கடந்த ஒரு மாத காலமாக சென்னை சேப்பாக்கம் மைதானத்தில் தீவிர பயிற்சியை மேற்கொண்டு வந்தது.

இந்த நிலையில் ஐபிஎல் கிரிக்கெட் தொடர் தொடங்க 2 நாட்கள் மட்டுமே உள்ள நிலையில், முதல் போட்டியில் விளையாட சென்னை சூப்பர் கிங்ஸ் அணி வீரர்கள் இன்று அகமதாபாத் புறப்பட்டு சென்றனர். இது குறித்த புகைப்படத்தை அணி நிர்வாகம் தனது டுவிட்டர் பக்கத்தில் வெளியிட்டுள்ளது.