காமன்வெல்த் மகளிர் ஹாக்கி போட்டி : கானாவை வீழ்த்தி.. வெற்றியுடன் தொடங்கிய இந்திய மகளிர் அணி.!

காமன்வெல்த் மகளிர் ஹாக்கி போட்டியில் 5-0 என்ற கோல் கணக்கில் கானா அணியை வீழ்த்தியது இந்திய மகளிர் அணி.

72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் உள்ள அலெக்சாண்டர் ஸ்டேடியத்தில் நேற்றைய முன்தினம் கோலாகலமாக தொடங்கியது. தொடக்க விழா முடிவடைந்த நிலையில் முதல் நாளான நேற்று பல்வேறு விளையாட்டு போட்டிகள் தொடங்கின.

இதில், நேற்று நடைபெற்ற மகளிர் ஹாக்கி போட்டியில் இந்தியா -கானா அணிகள் மோதின. விறுவிறுப்பான நடைபெற்ற இந்த ஆட்டத்தில் இந்திய அணி ஆரம்பம் முதலே ஆதிக்கம் செலுத்தியது. இதனால், இறுதியில் 5-0 என்ற கோல் கணக்கில் கானா அணியை எளிதாக வீழ்த்தியது இந்திய மகளிர் அணி. இந்த வெற்றியின் மூலம் காமன்வெல்த் போட்டியை இந்திய அணி வெற்றியுடன் தொடங்கியுள்ளது.