இந்தியாவில் நடைபெறும் பிரம்மாண்ட கிரிக்கெட் தொடரான ஐபிஎல் கிரிக்கெட் தொடர் இதுவரை 15 சீசன்கள் முடிவடைந்துள்ளது. அதன்படி கடந்த 2008 ஆம் ஆண்டு பிசிசிஐ தொடங்கிய ஐபிஎல் டி20 தொடர் உலகம் முழுவதும் பிரபலமாகியுள்ளது.

இதனையடுத்து ஐபிஎல் 2023 ஆம் ஆண்டுக்கான ஐபிஎல் போட்டிக்கான வீரர்கள் மினி ஏலம் கடந்த டிசம்பர் 25ம் தேதி கொச்சியில் நடைபெற்றது. இந்த நிலையில் 16வது ஐபிஎல் சீசன் போட்டிகள் மார்ச் 31ம் தேதி தொடங்கி ஏப்ரல் 28 வரை நடைபெற உள்ளது. இந்த சீசனில் மொத்தம் 70 போட்டிகள் நடைபெற உள்ளது.

இதில், மார்ச் 31ம் தேதி அகமதாபாத்தில் நடைபெறும் முதல் போட்டியில் ஹார்திக் பாண்டியா தலைமையிலான குஜராத் டைட்டன்ஸ் அணியும், எம் எஸ் தோனி தலைமையிலான சென்னை சூப்பர் கிங்ஸ் அணியும் மோதுகின்றன.

இந்த நிலையில் 15 ஆண்டுகால ஐபிஎல் கிரிக்கெட் தொடரை கொண்டாடும் வகையில், ஸ்டார் ஸ்போர்ட்ஸ் தொலைக்காட்சி நிறுவனம் Incredible Premier league Awards என்ற பெயரில் விருதுகளை அறிவித்துள்ளது. அதன்படி சிறந்த கேப்டன், சிறந்த பேட்ஸ்மேன், பவுலர் உள்ளிட்ட விருதுகளுக்கான வீரர்களின் பெயரை அறிவித்துள்ளது.

15 ஆண்டுகால ஐபிஎல் விருதுகள்

சிறந்த கேப்டன் - ரோஹித் சர்மா

சிறந்த பேட்ஸ்மேன் - ஏபி டிவில்லியர்ஸ்

சிறந்த பந்துவீச்சாளர் - ஜாஸ்பிரித் பும்ரா

சிறந்த தாக்கத்தை ஏற்படுத்திய வீரர் (Impact player) - ஆண்ட்ரே ரஸ்ஸல்

ஒரு சீசனில் சிறந்த பேட்ஸ்மேன் - விராட் கோலி (2016)

ஒரு சீசனில் சிறந்த பவுலர் - சுனில் நரைன்