தென்னாபிரிக்காவிற்கு சுற்றுப்பயணம் மேற்கொள்ள உள்ள இந்திய அணி, 3 டெஸ்ட் போட்டிகள் மற்றும் 3 ஒருநாள் போட்டிகள் கொண்ட தொடரில் விளையாட உள்ளது. 

இந்நிலையில், இந்தியா மற்றும் தென்னாப்பிரிக்காவுக்கு இடையிலான முதலாவது டெஸ்ட் போட்டி இன்று செஞ்சூரியன் மைதானத்தில் தொடங்கியுள்ளது. 

இதில், டாஸ் வென்ற இந்திய அணியின் கேப்டன் விராட் கோலி முதலில் களமிறங்கி பேட்டிங்கை செய்ய முடிவு செய்தார்.

அதன்படி, தொடக்க ஆட்டக்காரர்களாக களமிறங்கிய கேஎல் ராகுல் - மயங்க அகர்வால் அசத்தலான ஆட்டத்தை வெளிப்படுத்தி வருகின்றனர்.

அதிரடி ஆட்டக்காரரான கேஎல் ராகுல் தனது நிதானமான ஆட்டத்தை வெளிப்படுத்தி 84 பந்துகளில், 4 பவுண்டரிகள் மட்டும் வீசி, 29 ரன்கள் சேர்த்துள்ளார்.

மற்றொரு தொடக்க ஆட்டக்காரரான மயங்க் அகர்வால் 84 பந்துகளை சந்தித்து, 7 பவுண்டரிகளை விளாசி, 46 ரன்கள் சேர்த்துள்ளார். இன்னும் 4 ரன்கள் எடுத்தால் அவர் அரை சதத்தை பூர்த்தி செய்ய உள்ளார். 

இந்திய அணி உணவு இடைவேளையின்போது 28 ஓவர்களில், விக்கெட் இழப்பின்றி, 83 ரன்களை சேர்த்துள்ளது.

தென்ஆப்பிரிக்கா அணி பந்துவீச்சை பொறுத்தவரை இந்திய அணியின் தொடக்க ஆட்டக்காரர்கள் விக்கெட்டை வீழ்த்த முடியாமல் திணறி வருகின்றனர். அதேசமயத்தில் ரபடாவின் பந்து வீச்சு அபாரமாக அமைந்துள்ளது. 8 ஓவர்கள் வீசிய அவர், அதில் 4 ஓவர்களை மெய்டன் (ரன் ஏதும் கொடுக்காத ஓவர்) ஓவராக வீசி உள்ளார். மேலும் அவர் 10 ரன்களை மட்டுமே இதுவரை கொடுத்துள்ளார்.