இந்தியா - வெஸ்ட் இண்டீஸ் அணிகள் இடையிலான 3-வது ஒருநாள் ஆட்டம், இன்று நரேந்திர மோடி மைதானத்தில் நடந்துகொண்டிருக்கிறது.

இதில் டாஸ் வென்ற இந்திய அணி முதலில் பேட்டிங் செய்ய முடிவு செய்தது. அதன்படி களமிறங்கிய இந்திய தொடக்க ஆட்டக்காரர் ரோஹித் சர்மா 13 ரன்னுக்கும் ஷிக்கர் தவான் 10 ரன்னுக்கும் தங்கள் விக்கெட்டுகளை பறிகொடுத்தனர்.

அதிரடி ஆட்டக்காரரான விராட் கோலி ரன் ஏதும் எடுக்காமல் டக் அவுட் ஆகி வெளியேறினார். அதனைத் தொடர்ந்து ஷ்ரேயாஸ் ஐயர் உடன் கைகோர்த்த ரிஷப் பண்ட் ஜோடி அசத்தலான ஆட்டத்தை வெளிப்படுத்தினர்.

இருவரும் தங்களது அரைசதத்தை கடந்து ஆடியபோது, ரிஷப் பண்ட் 56 ரன்களுக்கு தனது விக்கெட்டை பறிகொடுத்தார். அவரைத் தொடர்ந்து சூர்யகுமார் யாதவ் 6 ரன்னுக்கு தனது விக்கெட்டை இழக்க, மறுமுனையில் ஷ்ரேயாஸ் ஐயர் செஞ்சுரி அடிப்பார் என்று எதிர்பார்த்த நிலையில், 80 ரன்களுக்கு தனது விக்கெட்டை பறிகொடுத்தார்.

இறுதியாக களமிறங்கிய தீபக் சாகர் நிதானமாகவும் ஆடி, 38 ரன்களை சேர்த்தார். தமிழகத்தை சேர்ந்த வாஷிங்டன் சுந்தர் தனது பங்குக்கு நிதான ஆட்டத்தை வெளிப்படுத்தி 33 ரன்களை சேர்த்து ஆட்டமிழந்தார்.

இறுதியில் இந்திய அணி 50 ஓவர்கள் முடிவில், அணைத்து விக்கெட்களையும் இழந்து 265 ரன்களை சேர்த்தது. 

இதனையடுத்து 266 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் அணி களமிறங்கி ஆட உள்ளது. 

Innings Break!#TeamIndia post 265 on the board in the third & final @Paytm #INDvWI ODI!

8⃣0⃣ for @ShreyasIyer15
5⃣6⃣ for @RishabhPant17
3⃣8⃣ for @deepak_chahar9
3⃣3⃣ for @Sundarwashi5

Over to our bowlers now. 👍 👍

Scorecard ▶️ https://t.co/9pGAfWtQZV pic.twitter.com/5DygXyCboX

— BCCI (@BCCI) February 11, 2022