இந்தியா-அயர்லாந்து டி20 கிரிக்கெட் தொடர்.. முதலாவது டி20 போட்டியில் இன்று மோதல்.!

இந்தியா-அயர்லாந்து அணிகள் இடையிலான முதலாவது டி20 கிரிக்கெட் போட்டி டப்ளினில் இன்று நடக்கிறது.

ரோகித் சர்மா தலைமையிலான இந்திய கிரிக்கெட் அணி தற்போது இங்கிலாந்தில் பயிற்சி போட்டிகளில் விளையாடி வருகிறது.

இதனிடையே அயர்லாந்து அணிக்கு எதிராக 2 டி20 போட்டிகளில் இந்திய அணி விளையாட உள்ளது. அயர்லாந்து அணிக்கு எதிரான டி20 போட்டிகளில் கேப்டனாக ஹர்திக் பாண்ட்யா செயல்படுவார் என அறிவிக்கப்பட்டுள்ளது.

ஹர்திக் பாண்ட்யா தலைமையில் உருவாக்கப்பட்ட இரண்டாம்தர இந்திய அணி 2 சர்வதேச டி20 போட்டிகளில் விளையாடுவதற்காக மும்பையில் இருந்து அயர்லாந்துக்கு புறப்பட்டு சென்றது. இந்தியா - அயர்லாந்து எதிரான 20 ஓவர் டி20 போட்டி இன்றும், 28ஆம் தேதியும் நடைபெறுகிறது.

இதில், இன்று நடைபெறும் முதல் டி20 போட்டி இந்திய நேரப்படி இன்று இரவு 9 மணிக்கு இந்த போட்டி தொடங்குகிறது. அயர்லாந்து தொடரில் சூரியகுமார் யாதவ், சஞ்சு சாம்சன் ஆகியோர் களம் இறங்குகின்றனர். இந்த தொடருக்கான இந்திய அணியின் பயிற்சியாளராக விவிஎஸ் லட்சுமணன் செயல்படுகிறார்.