ஐபிஎல் 2025 சீசனின் 06-வது போட்டி அசாம் மாநிலம் கவுகாத்தியில் நடைபெற்றது. இதில் ராஜஸ்தான் ராயல்ஸ்- கொல்கத்தா நைரைடர்ஸ் அணிகள் மோதின. போட்டியில் டாஸ் வென்ற கொல்கத்தா நைட் டைரஸ் முதலில்பந்து வீச்சை தேர்வு செய்தது.

அதன்படி ஜெய்ஸ்வால், சஞ்சு சாம்சன் ஆகியோர் தொடக்க வீரர்களாக களம் இறங்கினர். சஞ்சு சாம்சன் 13 ரன்னிலும், ஜெய்ஸ்வால் 29 ரன்னிலும் ஆட்டமிழந்தனர். கொல்கத்தா அணி சார்பாக சுழற்பந்து வீச்சாளர்களான வருண் சக்ரவர்த்தி, மொயீன் அலி ஆகியோர் சிறப்பாக பந்து வீசனர். இதனால், ராஜஸ்தான் ராயல்ஸ் வீரர்கள் அடுத்தடுத்து ஆட்டமிழந்தனர்.

அணியின் கேப்டன் ரியான் பராக் 25 ரன்னிலும், நிதிஷ் ராணா 08 ரன்னிலும், வகிந்து ஹசரங்க 04 ரன்னிலும் ஆட்டமிழந்தனர். அடுத்ததாக களமிறங்கிய ஷுபம் துபே 09 ரன்னிலும், சிம்ரன் ஹெட்மையர் 07 ரன்னிலும் ஆட்டமிழந்தனர்.

தொடர்ந்து களமிறங்கிய துருவ் ஜுரேல் 28 பந்தில் 33 ரன்கள் எடுத்து ஆட்டமிழந்தார். ஜாஃப்ரா ஆர்ச்சர் 16 ரன்கள் எடுத்தார். இறுதியில் ராஜஸ்தான் ராயல்ஸ் 20 ஓவரில் 09 விக்கெட் இழப்பிற்கு 151 ரன்கள் எடுத்தது.

கொல்கத்தா அணி சார்பில் வைபவ் அரோரா, ஹர்ஷித் ராணா, மொயீன் அலி, வருண் சக்ரவர்த்தி ஆகியோர் தலா 2 விக்கெட் வீழ்த்தினர். பின்னர் 152 ரன்கள் அடித்தால் வெற்றி என்ற இலக்குடன் கொல்கத்தா நைட் ரைடர்ஸ் களமிறங்கியது.

இலக்குடன் கொல்கத்தா நைட் ரைடர்ஸ் களமிறங்கியது. தொடக்க ஆட்டக்காரர் மொயீன் அலி 05 ரன்னிலும், கேப்டன் ரகானே 18 ரன்னிலும் ஆட்டமிழந்தனர். 03-வது விக்கெட்டுக்கு டி காக், ரகுவன்ஷி ஜோடி சேர்ந்தது. டி காக் அதிரடியாக ஆடி 97 ரன்களை பெற்று ஆட்டமிழக்காமல் இருந்தார். ரகுவன்ஷி 22 ரன்களை பெற்று அவரும் ஆட்டமிழக்காமல் இருந்தார்.

இறுதியில், கொல்கத்தா நைட் ரைடர்ஸ் அணி 17.3 ஓவரில் 02 விக்கெட் இழப்புக்கு 153 ரன்களை எடுத்து வென்றது. இதன்மூலம் நடப்பு ஐபிஎல் தொடரில் கொல்கத்தா அணி முதல் வெற்றியைப் பதிவு செய்துள்ளது. ராஜஸ்தான் அணி தான் விளையாடிய 02 போட்டிகளிலும் தோல்வி அடைந்துள்ளது. அடுத்து ராஜஸ்தான் அணி  சென்னை அணியுடன் மோதவுள்ளமை குறிப்பிடத்தக்கது.