ஐபிஎல் தொடரின் 15-ஆவது லீக் ஆட்டம் கொல்கத்தா ஈடன் கார்டன் மைதானத்தில் நடைபெற்றுது. இதில் கொல்கத்தா நைட் ரைடர்ஸ்- சன்ரைசர்ஸ் ஐதராபாத் அணிகள் மோதின.போட்டியில் டாஸ் வென்ற சன்ரைசர்ஸ் ஐதராபாத் கேப்டன் பேட் கமின்ஸ் பந்துவீச்சை தேர்வு செய்தார்.

அதன்படி களமிறங்கிய கொல்கத்தா நைட் ரைடர்ஸ் அணியின் டி காக், சுனில் நரைன் ஆகியோர் தொடக்க வீரர்களாக களம் இறங்கினர். டி காக் ஒரு ரன்னிலும், சுனில் நரைன் ஏழு ரன்னிலும் ஆட்டம் இழந்தனர்.

03-வது ரகானே உடன் ரகுவன்ஷி ஜோடி சேர்ந்தனர். இதில் ரகானே 38 ரன்கள் எடுத்து ஆட்டமிழந்தார். ரகுவன்ஷி 30 பந்தில் அரை சதம் அடித்த கையோடு 32 பந்தில் 50 ரன் எடுத்த நிலையில் ஆட்டம் இழந்தார். 

அடுத்ததாக களமிறங்கிய வெங்கடேஷ் ஐயருடன் ரிங்கு சிங் ஜோடி சேர்ந்தார். இந்த ஜோடி முதலில் நிதானமாக விளையாடியது. வெங்கடேஷ் அய்யர் 29 பந்தில் 07 பவுண்டரி, 03 சிக்சருடன் 60 ரன்கள் குவித்தார்.  ரிங்கு சிங் 32 ரன்களை குவித்தார். 
கடைசியில் 20 ஓவரில் 06 விக்கெட் இழப்பிற்கு 200 ரன்கள் எடுத்தது. 

இதையடுத்து, 201 ரன்கள் என்ற  வெற்றி இலக்குடன் களமிறங்கிய ஐதராபாத் அணியின் தொடக்க முதலே முன்னணி வீரர்கள் விரைவில் வெளியேறினர். இதில், கிளாசன் 33 ரன்னும், கமிந்து மெண்டிஸ் 27 ரன்னும் எடுத்தனர். இறுதியில், ஐதராபாத் 16.4 ஓவரில் 120 ரன்களுக்கு சுருண்டது. இதன்மூலம் 80 ரன்கள் வித்தியாசத்தில் கொல்கத்தா அபார வெற்றி பெற்றுள்ளது.

கொல்கத்தா அணி சார்பில் தமிழக வீரர்வருண் சக்கரவர்த்தி மற்றும் வைபவ் அரோரா தலா 03 விக்கெட்டும், ஆண்ட்ரூ ரசல் 02 விக்கெட்டும் வீழ்த்தினர்.