தவெக தலைவர் விஜய்க்கு Y பிரிவு பாதுகாப்பு அமல்.!

தமிழ் சினிமாவின் பிரபல நடிகர் விஜய், தமிழக வெற்றிக்கழகம் என்ற கட்சியை தொடங்கி 2026-ம் ஆண்டு சட்டமன்ற தேர்தலை மையமாக கொண்டு தேர்தல் பணிகளை மேற்கொண்டு வருகிறார்.

இந்தத் தேர்தலை முன்னிட்டு பல்வேறு பொது இடங்களுக்கு அவர் பயணம் செய்ய உள்ளார். இதற்கிடையே, தவெக விஜய்க்கு சமூக ஊடகங்களில் அச்சுறுத்தல் எழுந்ததையடுத்து, அவரின் பாதுகாப்பு கருதி ஒய் பிரிவு பாதுகாப்பு வழங்க உள்துறை அமைச்சகம் கடந்த மாதம் உத்தரவிட்டது.

இந்த நிலையில், தமிழக வெற்றிக் கழகத் தலைவர் விஜய்க்கு ஒய் பிரிவு பாதுகாப்பு அமலுக்கு வந்துள்ளது. அதன்படி விஜய்க்கு 8 முதல்11 பேர் கொண்ட துப்பாக்கி ஏந்திய மத்திய ரிசர்வ் படை கமாண்டோக்கள் சுழற்சி முறையில் பாதுகாப்பு வழங்குவர்.

தற்போது வெளிநாட்டு பவுன்சர்கள் விஜய்யின் பொது நிகழ்ச்சிகளில் அவருக்கான பாதுகாப்பை உறுதி செய்து வரும் நிலையில், இனி மத்திய ரிசர்வ் பாதுகாப்புப் படை கமாண்டோக்கள் விஜய்க்கு பாதுகாப்பு வழங்குவார்கள் என்பது குறிப்பிடத்தக்கது.