சொந்த மண்ணில் இந்தியாவை ஒயிட்வாஷ் செய்த நியூசிலாந்து!...தொடரை முழுவதும் இழந்த இந்தியா!

மும்பை வான்கடே மைதானத்தில் இந்தியா-நியூசிலாந்து அணிகள் இடையே இன்று 3-வது மற்றும் கடைசி டெஸ்ட் கிரிக்கெட் போட்டி நடைபெற்றது. இந்த ஆட்டத்தில் டாஸ் வென்ற நியூசிலாந்து அணி பேட்டிங் தேர்வு செய்தது.

அந்த வகையில், முதலில் பேட் செய்த நியூசிலாந்து அணி முதல் இன்னிங்சில் 235 ரன்கள் எடுத்து ஆல்-அவுட் ஆனது. இதையடுத்து, முதல் இன்னிங்சை தொடங்கிய இந்தியா 59.4 ஓவர்களில் 263 ரன்கள் குவித்து ஆல் அவுட் ஆனது. இந்திய அணியில் அதிகபட்சமாக சுப்மன் கில் 90 ரன்கள் எடுத்தார். பின்னர் 28 ரன்கள் பின்தங்கிய நிலையில் 2வது இன்னிங்சை தொடங்கிய நியூசிலாந்து 174 ரன்களில் ஆல் அவுட் ஆனது.

இந்தியா தரப்பில் அபாரமாக பந்துவீசிய ரவீந்திர ஜடேஜா 5 விக்கெட்டுகளும், அஸ்வின் 3 விக்கெட்டுகளும் வீழ்த்தினர். இதன் மூலம் இந்திய அணிக்கு 147 ரன்கள் வெற்றி இலக்காக நிர்ணயிக்கப்பட்டது.

இந்த நிலையில், 147 ரன்கள் வெற்றி இலக்கை அடைய முடியாமல், இந்திய அணி 121 ரன்களுக்கு ஆல் அவட் ஆகி, தொடரை முழுவதுமாக இழந்துள்ளது. இதன் மூலம் 25 ரன்கள் வித்தியாசத்தில் நியூசிலாந்து அணி இந்திய அணியை ஒயிட்வாஷ் செய்துள்ளது.