புரோ கபடி லீக்! பெங்களூரு, குஜராத், ஹரியானா அணிகள் வெற்றி.!

நேற்று நடைபெற்ற புரோ கபடி லீக் ஆட்டங்களில் பெங்களூரு, குஜராத், ஹரியானா அணிகள் வெற்றி பெற்றன.

புரோ கபடி லீக் போட்டிகளின் 8-வது சீசன் பெங்களூருவில் நடைபெற்று வருகிறது. 12 அணிகள் பங்கேற்றுள்ள இந்த போட்டியில் நேற்று இரவு மூன்று ஆட்டங்கள் நடைபெற்றன. உ.பி. மற்றும் குஜராத் அணிகளுக்கிடையே நடைபெற்ற ஆட்டத்தில் குஜராத் அணி 38-31 என்ற புள்ளிகள் கணக்கில் வெற்றி பெற்றது.

பெங்களூரு மற்றும் ஜெய்ப்பூர் அணிகளுக்கிடையேயான மற்றொரு ஆட்டத்தில், பெங்களூரு அணி 45-37 என்ற புள்ளிகள் கணக்கில் ஜெய்ப்பூரை வீழ்த்தியது.

மற்றொரு ஆட்டத்தில் ஹரியானா அணியும், மும்பை அணியும் பலப்பரீட்சை நடத்தின. விறுவிறுபாக நடைபெற்ற இந்த போட்டியில் ஹரியானா அணி 37-26 என்ற புள்ளிகள் கணக்கில் மும்பை அணியை வீழ்த்தியது.

புள்ளிப்பட்டியலில் ஹரியானா அணி 20 போட்டிகளில் 10 வெற்றி 7 தோல்வி, 3 டை என 63 புள்ளிகளுடன் 3-வது இடத்தில் உள்ளது. மும்பை அணி 19 போட்டிகளில் 7 வெற்றி 7 தோல்வி 5 டை என 53 புள்ளிகளுடன் 6-வது இடத்தில் நீடிக்கிறது.

பாட்னா அணியும், தெலுங்கு டைட்டன்ஸ் அணியும் இன்று இரவு நடைபெறும் முதல் ஆட்டத்தில் பலப்பரீட்சை நடத்த உள்ளன.