தொடர் தோல்வியில் தமிழ் தலைவாஸ் அணி.!
Tamil Thalaivas continues lost
புரோ கபடி லீக் போட்டியில் தமிழ் தலைவாஸ் அணி தொடர்ந்து 5-வது தோல்வியை சந்தித்துள்ளது.
12 அணிகள் பங்கேற்றுள்ள 8-வது புரோ கபடி லீக் போட்டிகள் பெங்களூருவில் நடைபெற்று வருகிறது. நெந்ற்று நடைபெற்ற 121-வது ஆட்டத்தில் தமிழ் தலைவாஸ் அணி புனே அணியை எதிர்கொண்டது. இதில் ஆரம்பம் முதலே ஆதிக்கம் செலுத்தி வந்த புனே அணி ஆட்டநேர முடிவில் 43-31 என்ற புள்ளி கணக்கில் தமிழ் தலைவாஸ் அணியை வீழ்த்தியது. இந்த தோல்வி உட்பட தமிழ் தலைவாஸ் அணி கடைசியாக விளையாடிய 5 போட்டிகளிலும் தொடர்ந்து தோல்வியை சந்தித்துள்ளது. மொத்தம் 20 ஆட்டங்களில் விளையாடியுள்ள தமிழ் தலைவாஸ் அணி, 5 வெற்றி 9 தோல்வி 6 டை என 47 புள்ளிகளுடன் புள்ளி பட்டியலில் 10 -வது இடத்தில் இருக்கிறது.
நேற்றிரவு நடைபெற்ற மற்ற ஆட்டங்களில் பாட்னா அணி பெங்களூருவையும், ஜெய்ப்பூர் அணி மும்பை அணியையும் வீழ்த்தின. இன்று தமிழ் தலைவாஸ் அணி பெங்கால் அணியுடனும், தெலுங்கு டைட்டன்ஸ் அணி ஜெய்ப்பூர் அணியுடனும் மோதுகின்றன. இன்றைய போட்டியில் தமிழ் தலைவாஸ் அணி மீண்டு எழுந்து வெற்றியை பெறும் என ரசிகர்கள் எதிர்பார்க்கின்றனர்.
English Summary
Tamil Thalaivas continues lost