இந்திய கிரிக்கெட் அணியின் அடுத்த பயிற்சியாளராக ராகுல் டிராவிட்டிற்குப் பிறகு  முன்னாள் தொடக்க ஆட்டக்காரர் கவுதம் கம்பீர் நியமிக்கப்படவுள்ளார். கடந்த 2023ஆம் ஆண்டு ODI உலகக் கோப்பைக்குப் பிறகு ஒப்பந்தம் நீட்டிக்கப்பட்ட ராகுல் டிராவிட், இந்திய கிரிக்கெட் அணியுடன் தனது இறுதிப் பணியில் இருக்கிறார்.

இந்திய அணிக்கு தற்போது ராகுல் டிராவிட்டுடன் பேட்டிங் பயிற்சியாளராக விக்ரம் ரத்தோர், பந்துவீச்சு பயிற்சியாளராக பராஸ் மாம்ப்ரே மற்றும் பீல்டிங் பயிற்சியாளராக டி திலீப் ஆகியோர் பதவியில்உள்ளனர். முன்னாள் இந்தியா வீரர் ரவி சாஸ்திரியின் பதவிக் காலத்தில் சஞ்சய் பங்கருக்குப் பதிலாக ரத்தோர் அணியில் இருந்து வருகிறார். மீதமுள்ள  மாம்ப்ரே மற்றும் திலீப் ராகுல் டிராவிட்டால் தேர்ந்தெடுக்கப்பட்டனர்.

இந்திய அணியின் தொடக்க ஆட்டக்காரரான கம்பீருக்கு முன் பயிற்சி அளிக்கும் அனுபவம் இல்லை. ஆனால் ஒரு வழிகாட்டியாக ஓரிரு இந்தியன் ப்ரீமியர் லீக் உரிமையாளர்களுடன் தொடர்புடையவர். லக்னோ சூப்பர் ஜெயண்ட்ஸுடன் இரண்டு ஆண்டுகள் கழித்த பிறகு, அவர் கொல்கத்தா நைட் ரைடர்ஸ் அணிக்கு  திரும்பினார் மற்றும் ஷ்ரேயாஸ் ஐயர் தலைமையிலான அணியை கடந்த மாதம் மூன்றாவது பட்டத்தை வெல்ல வழிகாட்டினார்.

பிசிசிஐ ஆரம்பத்தில் இந்த பணிக்கான விண்ணப்பத்தை வெளியிட்டபோது பல முன்னாள் கிரிக்கெட் வீரர்கள் போட்டி போட்டு கொண்டு விண்ணப்பத்தை அனுப்பியதாக தெரிகிறது. இந்த பட்டியலில் ஆஸ்திரேலிய அணியின் முன்னாள் கேப்டனும் தற்போதைய டெல்லி கேப்பிடல்ஸ் பயிற்சியாளருமான ரிக்கி பாண்டிங்.

முன்னாள் ஆஸ்திரேலிய பயிற்சியாளரும் தற்போதைய லக்னோ சூப்பர் ஜெயண்ட்ஸ் பயிற்சியாளருமான ஜஸ்டின் லாங்கர், முன்னாள் இங்கிலாந்து பயிற்சியாளரும் தற்போதைய ஆர்சிபி பயிற்சியாளருமான ஆண்டி பிளவர், தற்போதைய ராஜஸ்தான் ராயல்ஸ் அணியின் பயிற்சியாளர் குமார் சங்கக்கார, கம்பீர் உள்ளிட்டோர் இடம்பெற்றுள்ளனர்.