இலங்கையிலிருந்து மேலும் 13 பேர் அகதிகளாக தமிழகம் வருகை.!
13 srilankan refugees comes to tamilnadu
பொருளாதார நெருக்கடி காரணமாக இலங்கையில் இருந்து அகதிகளாக தமிழகத்திற்கு மேலும் 13 பேர் வந்துள்ளனர்.
கடுமையான பொருளாதார நெருக்கடி காரணமாக இலங்கை முழுவதும் உணவு பொருள்கள் உள்ளிட்ட அனைத்திற்கும் தட்டுப்பாடு ஏற்பட்டுள்ளது. பெட்ரோல் உள்ளிட்ட அனைத்து அத்தியாவசிய பொருள்களின் விலைகளும் கடுமையாக உயர்ந்துள்ளது.
இலங்கையில் வாழும் தமிழர்களுக்கு தேவையான அனைத்து உதவிகளும் வழங்கப்படும் என தமிழக முதல்வர் மு.க.ஸ்டாலின் தமிழக பேரவையில் உறுதியளித்துள்ளார்.
ஏற்கனவே தமிழகத்திற்கு பல அகதிகள் வந்த நிலையில் தற்போது மீண்டும் 13 பேர் தமிழகத்தில் அகதிகளாக வந்துள்ளார்கள் என்றும் அவர்களில் ஒருவர் கர்ப்பிணி பெண் என்றும் கூறப்படுகிறது
மன்னார் மாவட்டத்தில் இருந்து இரண்டு படகுகளில் தனுஷ்கோடி வந்த அவர்களை ராமேஸ்வரம் போலீசார் மீட்டு அவர்கள் மண்டபம் அகதிகள் முகாமில் தங்க வைக்கப்பட்டுள்ளதாகவும் இதுவரை இலங்கையில் இருந்து 55 பேர் தமிழகத்திற்கு அகதிகளாக வந்து உள்ளார்கள் என்றும் அதிகாரிகள் தெரிவித்துள்ளனர்.
English Summary
13 srilankan refugees comes to tamilnadu