இலங்கையில் இருந்து மேலும் 2 பேர் அகதிகளாக தமிழகம் வருகை.!
2 srilankan refugees comes to tamilnadu
இலங்கையில் கடும் பொருளாதார நெருக்கடி ஏற்பட்டுள்ளது. அந்த நாட்டின் அன்னிய செலவாணி கையிருப்பு குறைந்து பெட்ரோல் டீசலுக்கு கடும் தட்டுப்பாடு ஏற்பட்டுள்ளது இதனால் தொழில்கள் பாதிப்படைந்து அத்தியாவசிய பொருட்களின் விலை ராக்கெட் வேகத்தில் உயர்ந்து வருகின்றன.
அதன் காரணமாக இலங்கை அரசுக்கு எதிராக கொழும்பு உள்ளிட்ட பல்வேறு இடங்களில் பொதுமக்கள் எதிர்க்கட்சியினர் போராட்டம் நடத்தி வருகின்றனர். கடும் விலை உயர்வு வேலையில்லாத் திண்டாட்டம் போன்ற பல்வேறு காரணங்களுக்காக இலங்கை தமிழர்கள் கள்ளப்படகு மூலம் கடல் வழியாக தனுஷ்கோடிக்கு வந்து தஞ்சமடைய வருவது நாளுக்கு நாள் அதிகரித்து வருகிறது.
இந்த நிலையில் இன்று அதிகாலை இலங்கை இருந்து ஒரே குடும்பங்களைச் சேர்ந்த தம்பதிகள் 2 பேர் அகதிகளாக தனுஷ்கோடிக்கு வந்துள்ளனர்.
மயக்க நிலையில் உள்ள இருவருக்கும் சிகிச்சை அளிக்க ஏற்பாடு செய்யப்பட்டுள்ளது. அதனைத் தொடர்ந்து அவர்களை அகதிகள் முகாமிற்கு அனுப்ப உள்ளதாக தகவல் வெளியாகியுள்ளது.
English Summary
2 srilankan refugees comes to tamilnadu