3 ஆயிரம் கன அடி உயர்ந்த ஒகேனக்கல் நீர்வரத்து...!

கர்நாடகா அணைகளிலிருந்து அவ்வப்போது திறந்து விடப்படும் நீரின் காரணமாகவும், கர்நாடகா தமிழக காவிரி நீர்பிடிப்பு பகுதிகளில் பெய்த மழையின் காரணமாகவும் 'ஒகேனக்கல்' காவிரி ஆற்றில் நீர்வரத்து அதிகரிப்பதும் குறைவதுமாக இருந்து வருகிறது.

இந்த நிலையில் சில தினங்களாக நீர்வரத்து தொடர்ந்து வினாடிக்கு 4000 கன அடி வரை அதிகரித்த நிலையில், கடந்த 2 தினங்களாக நீர்வரத்து வினாடிக்கு 2000 கன அடியாகவே நீடித்து வந்தது.

இதைத்தொடர்ந்து இன்று காலை நிலவரப்படி வினாடிக்கு 3000 கன அடியாக நீர்வரத்து அதிகரித்துள்ளது.

மேலும் காவிரி ஆற்றில் நீர்வரத்தை தமிழக-கர்நாடக எல்லையான பிலிகுண்டுலுவில் மத்திய நீர்வளத்துறை அதிகாரிகள் தொடர்ந்து கண்காணித்து வருகின்றனர்.