புயல், கன மழையின் காரணமாக ஒத்திவைக்கப்பட்ட அண்ணா பல்கலைக்கழக தேர்வுகளுக்கு மறுதேர்வு தேதி அறிவிப்பு!
Anna University exams date 12122022
வங்கக்கடலில் உருவான 'மாண்டஸ்' புயல் காரணமாக கடந்த 5 நாட்களாகவே தமிழகம் முழுவதும் கனமழை பெய்து வருகிறது.
புயல் கரையை கடந்து 40 மணி நேரம் கடந்த பிறகும் இன்று தமிழகத்தில் பல்வேறு இடங்களில் பரவலாக மழை பெய்து வருகிறது. நாளையும் தமிழகத்தில் கன முதல் மிக கனமழை எச்சரிக்கையும் விடுக்கப்பட்டுள்ளது.
முன்னதாக, மாண்டஸ் புயல் எதிரொலியாக கடந்த 9, 10 ஆகிய தேதிகளில் நடைபெற இருந்த அண்ணா பல்கலைக்கழக செமஸ்டர் தேர்வுகள் ஒத்திவைப்பட்டது.
இந்நிலையில், புயல், கன மழையின் காரணமாக ஒத்திவைக்கப்பட்ட அண்ணா பல்கலைக்கழக தேர்வுகளுக்கு மறுதேர்வு தேதி அறிவிக்கப்பட்டுள்ளது.
அதன்படி, டிச.09ம் தேதி நடைபெற இருந்த தேர்வுகள் டிச.24ம் தேதியும், டிச.10ம் தேதி நடைபெற இருந்த தேர்வுகள் டிச.31ம் தேதியும் நடைபெறும் என்று, அண்ணா பல்கலைக்கழகம் அறிவித்துள்ளது.
English Summary
Anna University exams date 12122022