தமிழகம்|| ஏடிஎம்-ல் பணமே வரவில்லை...எடுத்ததாக குறுஞ்செய்தி..மனவுளைச்சலில் ஆட்டோ ஓட்டுநர் எடுத்த விபரீத முடிவு..!
auto driver sucied attempt in coimbatore collecter office
கோயம்புத்தூர் மாவட்டம் வடவள்ளி பகுதியை சேர்ந்தவர் ராதாகிருஷ்ணன் ஆட்டோ ஓட்டுநர். இவர் ஒரு வாரத்திற்கு முன் கனரா வங்கி ஏடிஎம்-ல் 2500 ரூபாய் பணம் எடுக்க முயன்றுள்ளார்.
அப்போது ஏடிஎம்-ல் பணம் வராமல் இவரது கணக்கில் இருந்து பணம் எடுக்கப்பட்டு விட்டதாக குறுஞ்செய்தி வந்தது. இதைத் தொடர்ந்து, வடவள்ளி பகுதியில் உள்ள இந்தியன் வங்கிக்கு சென்று மேலாளரிடம் கேட்ட போது உரிய விளக்கம் அளிக்காமல் அலையவிட்டதாக தெரிவிக்கப்படுகிறது. பல முறை கேட்டும் எந்தவிதமான விளக்கமும் அளிக்கபடவில்லை. மேலும், வங்கி கணக்கிற்கு மீண்டும் பணம் வராமல் இருந்ததால் மன உளைச்சலானார். இது குறித்து, இன்று கோவை மாவட்ட ஆட்சியர் அலுவலகத்திற்கு மனு அளிக்க வந்தார்.
அங்கு வந்த அவர், திடீரென ஆட்சியர் அலுவலகம் முன்பு மண்ணெய் ஊற்றி தற்கொலைக்கு முயன்றுள்ளார். உடனடியாக மாவட்ட ஆட்சியர் அலுவலகம் முன்பு பாதுகாப்பு பணியில் ஈடுபட்டுக் கொண்டிருந்த காவலர்கள் உடனடியாக அவரிடம் இருந்து மண்ணெனையை பிடுங்கி விசாரித்து விட்டு ரேஸ்கோர்ஸ் காவல் நிலையத்திற்கு அழைத்துச் சென்றனர். இதனால் கலெக்டர் அலுவலகத்தில், சிறிது நேரம் பரபரப்பு ஏற்பட்டது.
English Summary
auto driver sucied attempt in coimbatore collecter office