ஈரோடு மாவட்டம் கோபிசெட்டிபாளையம் அருகே தோட்டத்தில் கஞ்சா செடி வளர்த்த சித்தவைத்தியர் மற்றும் அவரது மகனை போலீசார் கைது செய்துள்ளதாக தகவல் வெளியாகி உள்ளது.

கள்ளக்குறிச்சி கள்ளச்சாராய விவகாரத்தை தொடர்ந்து தமிழக அரசு கள்ளசாராயத்தை ஒழிக்கும் நடவடிக்கையில் ஈடுபட்டு வருகிறது. அதனைத் தொடர்ந்து தமிழகம் முழுவதும் போலீசார் தீவிர போதைப்பொருள் சோதனையில் ஈடுபட்டு வருகின்றன. அதன்படி ஈரோடு மாவட்டத்தில் போலீசார் சோதனை செய்து வருகிறார்கள்.

இந்தநிலையில், கோபிசெட்டிபாளையம் அருகே உள்ள எலத்தூர் செட்டிபாளையம் பகுதியில் உள்ள ஒரு தோட்டத்தில் கஞ்சா செடி வளர்ப்பதாக மதுவிலக்கு போலீசாருக்கு ரகசிய தகவல் கிடைத்துள்ளது. அதன் பேரில் போலீசார் அங்கு சென்று சோதனை செய்த போது மூலிகை செடிகளுடன் கஞ்சா செடி பயிரிடப்பட்டுள்ளது கண்டுபிடிக்கப்பட்டது.

இது குறித்து போலீசார் வழக்கு பதிவு செய்து தோட்டத்து உரிமையாளர் சித்தவைத்தியர் மாரப்பன் மற்றும் அவருடைய மகன் கருப்புசாமி ஆகிய வரையும் கைது கைது செய்தனர். பின்னர் தோட்டத்தில் பயிரிடப்பட்டிருந்த 11 கஞ்சா செடிகளை காவல்த்துறை அழித்துள்ளனர்.

மூலிகைசெடிகளுடன் கஞ்சா செடி வளர்ந்துவந்த தந்தை மற்றும் மகன் கைது செய்யப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தி உள்ளது.